Елімізде   биыл 6 қазанда АЭС салу мәселесі бойынша референдум өтетіні белгілі. Референ-думның негізгі мақсаты  халықтың АЭС  салуға көзқарастарын білу.

Осыған сәйкес біздің ауданда референдум комиссиясы жұмысқа 2 қыркүйектен бастап кірісті. Ауданымызда 183376 сайлаушы, 117 учаскелік референдум комиссиялары бар. Комиссия мүшелері күнтізбелік жоспарға сәйкес 16 қыркүйекте аудан әкімінен бекітілген сайлаушылар тізімін алып, қазіргі таңда тізім бойынша жұмыс атқарылуда. Яғни, сайлаушылар тіркелген учаскелері бойынша тексеріс жүргізеді. Комиссияларға уақытша есептен шығару куәлігі берілді. Референдумға шақырту қағаздары таратылып жатыр. Сайлаушыларға барлық жағдай жасалды. Әр дауыс берушінің дауысы маңызды. Барлық азаматтар тиісті орында дауыс береді және мүмкіндігі шектеулі жандарға да ыңғайлы орын қарастырылған. Референдумға келген кезде жеке куәлікпен келген жөн.  Сонымен қатар, жабық учаскелер бар. Яғни, уақытша ұстау изоляторындағы кісі-лер де дауыс береді. Тек бас бостандығынан айырылған жандар дауыс бере алмайды. Барша халықты дауыс беруге шақырамын.

Ержан Әмірденов,

аудандық сайлау комиссиясының төрағасы.