Көктөбе ауылдық кітапханасының ұйымдастыруымен «Кітап time» ІІІ Жалпы Республикалық фестивалі аясында, қазақ балалар әдебиетінің классигі Бердібек Соқпақбаевтың туғанына 100 жыл толуына орай И.Шорманов атындағы орта мектептің 6 сынып оқушылары арасында «Менің атым Қожа» атты оқырмандар конференциясы өткізілді. Аталмыш шараның мақсаты – біртуар қаламгердің өмірі мен шығармашылығын таныстыра отырып, оқушының кітап оқуға деген қызығушылығын арттыру, ойлау қабілеттерін, көркем жеткізе білу дағдыларын дамыту. Іс-шарада  кітапханашы Г.Сайбусинова жазушының өмірбаяны мен шығармаларын насихаттап, кинодан үзінді көрсетіп, оқушылар шығарма желісі бойынша өз ойларын көркем жеткізіп, белсене қатысты. Мектеп кітапханашысы Б.Баймұхамбетова жазушыға арналған «Әдебиетке балалықты әкелген» атты кітап көрмесімен таныстырды. Директордың тәрбие ісі жөніндегі орынбасары Назгүл Елтайқызы таным көкжиегін кеңейтетін шараны өткізген жандарға алғыс білдіріп, белсене қатысқан оқушыларды алғыс хатпен марапаттады.

А.Сембекова,

директордың тәрбиеісі жөніндегі орынбасары.