Тіл – халықтың мәдени байлығы, ұлтымыздың күретамыры. Президентіміз Қасым-Жомарт Тоқаев

өз жолдауында – қазіргі қазақ тілінің мемлекеттік мәртебесіне баса назар аударады. Алдағы уақытта туған тіліміздің мәртебесі асқақтап, күшейіп, ұлтаралық қатынас құралына айналатынын жеткізіп, тілге қатысты ұтымды ойын білдіріп келеді. Қазіргі жаһандану заманында бұл мәселе ешқашан өзектілігін жоймайды.

Осы орайда Еңбекшіқазақ ауданы Бәйтерек ауылы Бәйте-рек орта мектебінде Қазақстан Республикасы халықтарының тілдер мерекесі күні аясында мектеп ішілік «Үш тұғырлы тіл» атты іс-шара аталып  өтті. Іс-шараға қазақ тілі мен әдебиеті, орыс тілі мен әдебиеті, шет тілі бірлестігі атсалысты. Мектеп оқушыларының мемлекеттік тілдің құндылығын баса назарда ұстап, өзге тілді құр-меттеуді, әр баланың тілін жетілдіру, олардың сөйлеу мәдениеті қоғамдық қажеттілік болып табылатынын айқындау –  шараның негізі мақсаты болды.

Аталған іс-шараның  жос-парына сәйкес  1-11 сынып оқушылары арасында «Ой дода» интелектуалды ойыны, «Ең үздік жас жазушы» сюжеттік шығармалар жарысы, «Қазақтың болашағы-қазақтың тілінде» тақырыбында дөң-гелек үстел, «Жасанды интеллект» дебат ойыны, «Читаем вместе» әдеби марафоны, «My language is-a deposit from centuries» атты куиз, «Polyglot» интеллектуалды ойыны  ұйымдастырылды. Аталған шараның ашылуын оқушылармен қатар қазақ тілі пән мұғалімдері қазақтың ұлттық киімдерін, орыс тілі бірлестігі орыс халқының ұлттық киімдерін киіп, шет тілі бірлестігі де өз пәндерінің символы ретінде арнайы тудың суреті бейнеленген мойын орағаштарын тағып қарсы алды. Алдын ала дайындалған сұрақ-жауап тапсырмалары мен оқушылардың қызығушылығын арттыратын ойындар ұйымдастырылып, түрлі сыйлықтар мен әр ұлттың ұлттық тәттілері үлестірілді.

Қазақ тілі – қазақтың мем-лекеттік тілі, орыс тілі – ұлт-аралық қарым-қатынас тілі, ағылшын тілі – әлемдік экономикада септігін тигізетін  тіл болып табылады. Әр баланың бәсекеге қабілетті маман болып қалыптасуы үшін үш тілділік басты рөл атқарады. Білімді ұрпағы бар ұлттың болашағы бұлыңғыр болмайды. Десек те сыншы, публицист Сағат Әшімбаев айтқандай «азаматтықтың алғышарты – ана тіліңді сыйлаудан басталады». Соған сай тілдер мерекесіне арналған шарамыз оқушылардың тілге деген құрметін арттырып, білім ордамыздың татулығында нығайта түскендей.

Бәйтерек ауылы,                                                            «Бәйтерек орта мектебі» КММ Қазақ тілі мен әдебиеті пәні бірлестігі.