Жуырда «Біртұтас тәрбие бағдарламасы» жобасы аясында Әймен орта мектебінде «Ата-аналарды педагогикалық қолдау орталығының» ұйытқы болуымен «Даналық мектебі» іс-шарасы ұйымдастырылды.

«Ата-аналарды педагоги-калық қолдау» орталығының негізгі мақсаты – балаларды оқыту және тәрбиелеу мәселесі бойынша ата-аналармен қарым-қатынасты күшейту, берекелі отбасы мәдениетін дамыту болып табылады. «Әжелер мектебі» ұйымының жетекшісі Кәкей Хырғауыл жоспарға сай «Бесік жыры – бар тәлімнің бастауы» атты танымдық сағатын 7 «Ә» сынып оқушы-ларының қатысуымен өткізді. Қазақы салт-дәстүр мен әдет-ғұрыпты дәріптеуге бағыт-талған шараға 85 жастағы Иргебай Хумархан әжеміз де қатысты. Ақ жаулықты анамыз қыз баланың тәлім-тәрбиесі, тұлға болып қалыптасу жолы, бүгіні мен ертеңі жайлы тағылымды әңгімесін айтып, байырғы салт дәстүріміздің бірі «баланы бесікке салу» рәсімін көрсетті.
«Қыз тәрбиесі – ұлт тәрбиесі» екені белгілі. Осы жауапкершілікті үнемі сезініп жүруге тиіс екендерін ұғындыру – әжелер мектебінің басты ұстанымы. «Қыздары мықты болмай, қоғам мықты болмайды» деген екен қазақ. Сондықтан да, қыз баланың тәрбиесіне сақтықпен қарап, үлгілі жан болып бой жетуіне үлес қосу – басты борышымыз.
Салтанат АБУОВА,
мектеп директорының тәрбие
ісі жөніндегі орынбасары.