Бүгінде іргелес жатқан мегаполиске қатынайтын аудан тұрғындарының саны артуда. Осыған орай ауданымыздан Алматы қаласына жүретін тағы бір автобус бағыты ашылды.
«15 қазаннан бастап үлкен сыйымдылықтағы автобустар «Райымбек» метро бекетінен Есікке дейін қатынайды, соңғы аялдамасы – Еңбекшіқазақ ауданының Қызылжар ауылы. №252 бағытында 25 автобус қызмет көрсетеді, жүру аралығы 10 минут. Бұл бағытқа «ECOBUS SERVICE» ЖШС қызмет көрсетеді», – делінген әкімдік хабарламасында.
Айта кетейік, №252 жаңа автобустар Алматы-Талғар-Есік бағытында жолаушыларды тасымалдайды.