Жақында «Есік» мемлекеттік тарихи-мәдени музей-қорығында «Жібек жолы археологиялық бірлескен орталығының»
Есік филиалы ашылды. Іс-шараға Қытай Халық Республикасы Шэнси провинциясы Шиан қаласы, Жібек жолы археологиялық зерттеу орталығының директоры,
профессор Жао Роң, «Есік» мемлекеттік тарихи-мәдени музей-қорығының директоры Гүлмира Мұхтарова, Ә.Х.Марғұлан атындағы Археология институтының бас директоры Ақан Оңғар, Алматы облысы мәдениет архивтер және құжаттама басқармасының орынбасары Гүлнұр Домбай және ұстаздар қауымы қатысты.
Іс-шарада «Жібек жолы ар-хеологиялық бірлескен зерттеу орталығының» Есік филиалын құру мақсатында екі ел арасында келісім-шартқа қол қою рәсімі өтті. Профессор Жао Роң барша қазақ халқын құттықтап, «Жібек жолы археологиялық бірлескен зерттеу орталығы-ның Есік филиалын тағайын-дау» куәлігін табыстады.
Филиалда болашақта Жібек жолы археологиясын зерттеу мақсатында археологиялық және тарихи-мәдени мұра ескерткіштерін зерттеу, сақтау, насихаттау жұмыстары жүргізіледі. Сонымен қатар, келген қонақтарға қорғандар мен музей іші толық таныс-тырылды. Шара соңында қонақтарға қазақ халқының қонақжайлығын танытып, киіз үй ішінде ақ дастархан жайып, дәм ұсынды.
«Есік» мемлекеттік тарихи-мәдени музей-қорығы алғаш құрылған күннен бастап шет-елдік әріптестермен тығыз қарым-қатынас орнатуға ба-са назар аударып келеді. Солардың қатарында 2017 жылдан бастап ғылыми-археологиялық зерттеу саласында ҚХР Шәнши проввинциясы Сиан қаласындағы Шәнши археологиялық институтымен жұмыс істеп келеді. «Есік» филиалының ашылуы осындай көп жылғы ғылыми байланыстардың жемісті нәтижесі.

Айерке МЕРЕКЕҚЫЗЫ.