Республика күні қарсаңында Қ.Сәтпаев атындағы орта мектепте «Қазақстан – туған елім, ұлы елім» атты мерекелік концерт өтті. Шараның басты мақсаты – оқушыларды отансүйгіштікке, туған халқының тілін, мәдениетін, салт-дәстүрін қастерлеуге бейімдеу.

 
Мерекелік шараның шы-мылдығы ұлт зиялылары, ел болашағы туралы көрініспен түрілді. Ортаға ҚР Мемлекеттік Туы кіргізіліп, Гимн шырқалды. Мектеп директоры Алия Жарықбасова қонақтарды Республика күнімен құттықтап, ыстық ықыласын білдірді. Сонымен қатар мектептің рухани және әлеуметтік дамуына қосқан үлестері үшін бірқатар ата-аналарға Алғыс хаттар табыстады. Концерт домбырашылардың орын-дауындағы «Адай» күйімен жалғасын тапты. Талантты оқушылар сахнада өлең оқып, ән салып, би билеп көпшіліктің көңілінен шықты. Мектеп оқу-шыларынан құралған балалар хоры «Атамекен» және «Прекрасное далеко» әндерін орындап, мерекелік шараны тәмамдады.
Айерке МЕРЕКЕҚЫЗЫ.