2022 жылы Президент Қасым-Жомарт Тоқаев Республика күнін қайтаруды ұсынды. Мемлекет басшысы оған «ұлттық мереке» мәртебесін беріп, Қазақстанның басты мейрамы ретінде атап өту туралы бастама көтерді. Тоқаевтың бастамасы халықтың қолдауына ие болып, дәл сол жылы заңға тиісті өзгеріс енгізілді. Былтыр Қазақстан халқы ұзақ жылдар бойы атаусыз қалған Республика күнін алғаш рет дүркіретіп атап өтті.
Осындай мемлекеттік ма-ңызы бар күнді «Үміт» бөбек-жай балабақшасының бүл-діршіндері де мерекеледі. Ұйымдастырылған тақырыптық іс-шараны Қазақстан Республикасының Гимнімен бастап, еліміздің Туы мен Елтаңбасы – патриотизмнің символы екендігін атап, терең мағынаға толы мемлекеттік рәміздеріміздің танымдық мәні түсіндірілді. Мектепалды тобының балалары «Менің Қазақстаным» әнін шырқап, ересек топ бүлдіршіндері ұлттық биді билеп, ортаңғы, кіші топ бүлдіршіндері Респулика күніне арнап суреттен көрме өткізді. «Ел боламын десең бесігіңді түзе» деп Мұхтар Әуезов айтқандай, ұлттың ұлық мерекесі бүлдір-шіндеріміздің де патриот азамат болып өсуіне жол ашады деп білеміз.
М.СМАГУЛОВА,
«Үміт» балабақшасының кәсіподақ ұйымының төрайымы.
