Республика күні қарсаңында Қырбалтабай ауылдық округі әкімдігінің ұйымдастыруымен жүгіруден марафон өтті.
Спортты дамытуға арналған шара округте алғаш рет ұйымдастырылды. Марафонға Қырбалтабай ауылдық округінің Алтынсарин атындағы, Екпінді, Ақжал мектебінің оқушылары белсене қатысты.

Шынымен де, жексенбінің таңы кофеден емес, ортақ жаттығудан басталды. Шара барысында округ әкімі Ұлан Кульбаев, спорттық шараның демеушісі Еркебұлан Сатыш жұртшылықты Республика күнімен құттықтап, оқушыларға сәттілік тіледі. Марафонда қыз балалар 1 шақырымға, ер балалар 3 шақырымға жүгірді. Жүргіру жарысына жалпы 110 адам қатысты.
Жарыс нәтижесінде қыздар арасында Шынар Қали І орынды иеленіп, Дарья Семёновна ІІ орынға жайғасты. Үздік үштікті Ақбота Бақытбекқызы қорытындылады. Ерлер арасында Ақжол Серікқали, Ернұр Қамза І орынға, Айбарыс Жеңіснұрұлы, Нұрлыбек Әжімолда ІІ орынға, Мади Төлеген, Азамат Серікқали ІІІ орынға жайғасты.

Д.ЕЛИКБАЕВА,
Қырбалтабай ауылдық округінің
жастар ісі жөніндегі әдіскер-нұсқаушысы.