Адамзат жаратылғаннан бері әртүрлі табиғи апаттарды басынан өткеріп, табиғаттың қаншама сұрапыл, жойқын, бұзушы күштеріне куә болып келеді. Апат айтып келмейтіні рас. Алайда алдын ала дайындық шараларын жүргізіп, кез келген апатты жағдайларға етене дайындалсақ өзімізді сақтап қалуға жақсы мүмкіндік. Осы орайда ауданымызда «Техногендік сипаттағы төтенше жағдайлар қаупі төнген немесе туындаған жағдайда басқару органдарының, авариялық-құтұару қызметтерінің және халықтың
іс-әрекеттері» тақырыбында кешенді оқу-жаттығу жұмыстары жүргізілді.
Оқу-жаттығу Алматы облысы «Жұмылдыру» дайын-дығы басқармасының басшысы Ғалым Тоқпейісовтың төрағалығымен төтенше жағдайлардың алдын алу және жою жөніндегі аудандық комиссияның жоспардан тыс отырысынан басталды. Қа-тысушылар 2024-2025 жыл-дардағы жылыту маусымына дайындықты және қыста болар апаттың алдын алу жолдарын түсіндірді. Өз кезегінде Есік қаласының және Шелек ауылының өрт сөндіру бөлімінің қызметкерлері өрт кезіндегі қауіпсіздік ережелерін түсіндірді. Аудандық жолаушы көлігі және автомобиль жолдары бөлімінің басшысы Медет Жанабілов жолдарды қысқы күтіп ұстау мәселесін айтып өтті.
Ары қарай оқу-жаттығу Т.Молдағалиев атындағы аудандық мәдениет үйінің алаңында жалғасты. Оқу-жат-тығу жоспары бойынша, ауданда «9 балдық жер сілкінісі» болды. Нәтижесінде ғимараттар мен құрылыстар «қирады». Көп жерлерде «өрт» шығып, байланыс жұмысы бұзылды. Қатысушылардың алдында төтенше жағдайдың салдарын жою міндеттері тұрды. Есік гуманитарлық-экономикалық колледжінің аумағында ҚР ТЖМ Бауыржан Момышұлы атындағы 28237 әскери бөлі-мінің әскери қызметшілері зардап шеккен халықты уақыт-ша орналастыру үшін шатырлы лагерь ашты. Барлық қызметкерлер ғимараттар мен құрылыстарды тексеруге, төн-ген авариялық жағдайларды ретке келтіруге кірісті. Жер сілкінісі кезінде селдің пайда болу қаупі де назардан тыс қалмады. Тартылған қызметтер мен техниканың күшімен Есік өзенінің аңғары «тазартылды».
– Бүгінгі төтенше жағдай-дағы практикалық іс-қимыл-дарды пысықтау – жер сілкінісі кезінде күштердің дайындығын және қаражаттың жеткіліктілігін тексеруге мүмкіндік берді. Апаттық жағдайларға алдын ала дайын болуымыз шарт. Іс-қимылдардың жеделдігі, тактикалық арнайы оқу-жат-тығудың әрбір қатысушысы-ның кәсібилігі қойылған мін-деттерді орындауға және оң баға алуға мүмкіндік берді, – деп қорытындылады Ғалым Тоқпейісов.
Айерке МЕРЕКЕҚЫЗЫ.
