Жақында Қаражота ауылындағы спорт кешенінде Варшава келісім шарты бойынша Германияда, Моңғол Халық Респубикасында әскери қызмет атқарғандың қоғамдық бірлестігінің ардагері Сейсенбеков Сағат Сағымбекұлының зейнетке шығу құрметіне орай волейболдан республикалық ашық турнир өтті.
Сағат Сағымбекұлы Герма-нияның Вердер қаласында Отан алдындағы борышын өтеп келген соң, Қаражота ауылында эксковатор-тракторшы болып осы күнге дейін еңбек етті. Турнирдің ашылу салтанатында аудан әкімінің орынбасары Ертай Нұрмаханов, Қаражота ауылдық округінің әкімі Нұрберген Қожамберді Сағат Сейсенбековке ізгі тілектерін білдіріп, спортшыларға сәттілік тіледі. Одан кейін Алматы облыстық ВКШ бойынша Германия, МХР Кеңес әскери тобының қоғамдық бірлестігінің төрағасы Бекзат Махатовтың құттықтауын жеткізіп, Сағат Сағымбекұлына әскери борышын абыроймен орындап, еліне елеулі еңбек етіп, жастарға тәрбиелік мәні зор қоғамдық жұмыстарда белсенділік таныт-қаны үшін «Германиядан Кеңес әскерлерін шығарғанына 30 жыл» мерекелік төсбелгісін табыстап, осы қоғамдық бір-лестіктің аудан бойынша төрағасы Ержан Ақылбеков құттықтап сөз сөйледі.
Жарысқа облыстардан, аудандардан 13 команда қатысты. Тартысты да қызықты өткен бәсекеде І орынды «Қаражота» командасы жеңіп алды. ІІ орынды Бәйдібек би ауылының, ІІІ орынды Талдықорған облысының командалары иеленді. Жеңімпаздарға қомақты ақшалай сыйлық бе-ріліп, арнайы кубок, мақтау қағаздарымен марапатталды.
Анарбек МӨКІШҰЛЫ.
