Осындай тақырыпта жуырда аудан әкімі Талғат Байеділовтің төрағалығымен Қазақстан Халқы Ассамблеясы жанындағы аудандық аналар кеңесінің қорытынды есептік отырысы өтті. Отырысқа облыстық, аудандық, қала, ауылдық округтердегі жергілікті аналар кеңесінің төрайымдары, білім, медицина, әлеуметтік сала қызметкерлері қатысты.

Жиын барысында ұрпақтар  сабақтастығын, ұлттық  дәстүрлер мен отбасылық құндылықтарды нығайту және сақтау, толеранттылық-патриот-тық тәрбие мен этносаралық келісімді дәріптеу барысында атқарған аналар кеңесінің қорытынды есебі баяндалды. Аталған шарада Еңбекшіқазақ  аудандық мәслихатының шешімімен ұлттық өнерімізді әлемдік деңгейде дәріптеп жүрген «Жеті қазына» музейінің директоры Динара Баетбайқызы Серікбаеваға «Еңбекшіқазақ ауданының құрметті азаматы» атағы берілді.

Шара соңында үй мен түздің тізгінін тең ұстап, ұрпағын тәрбиелеп, қазанын оттан түсірмей, еңбектің бел ортасында жүрген аналарымызға Алғыс хаттар мен естелік сыйлықтар табысталды.

Алтыншаш МУХАМЕТНУР,

Алматы облысының ішкі саясат басқармасы

Қоғамдық келісім және даму

орталығы

Еңбекшіқазақ аудандық бөлімінің бас маманы.