Қаңтардың 18-нен 19-на қараған түнінде православ қауымы «Крещения Господне» мейрамын атап өтеді. Алматы облысы аумағында 16 суға түсу орындары әзірленді.Бұл туралы баспасөз мәслихатында Алматы облысы ТЖД Азаматтық қорғаныс басқармасының офицері Жанат Сариев мәлімдеді.
Департамент өкілінің айтуынша, бұл түні 107 құтқарушы мен полиция, медицина қызметкерлері кезекшілік етеді.
«Мейрам күні оқыс оқиғалар орын алмау үшін, 29 бірлік техника мен 68 жеке құрам жұмылдырылады.Тек қана арнайы жабдықталған ойықтарда құтқарушылар, дәрігерлер және полиция қызметкерлерінің қадағалауымен суға түсу қажет»,-деді Жанат Сариев.
Мамандар суға түсу кезінде қауіпсіздік ережесін естен шығармауға шақырады.Жарақат алмау үшін тек қана белгіленген жерде суға түсу керек . Ашыққан түрде ойыққа сүңгуге болмайды, суға түсер алдында бір сағат бұрын тамақтануыңыз қажет. Бүйрек, жүрек-қан тамырлары ауруларымен жоғары қан қысымы бар, қант диабетімен сырқатанған адамдарға және жүкті әйелдерге ойықтарда шомылуға болмайды.
