Аудан әкімінің қолдауымен ұйымдастырылған «Екі жұлдыз» жобасы мәресіне жетті. Ауданымызды бірнеше апта бойы әсем әнге бөлеген байқаудың гала концерті өтіп, әділқазылар алқасының шешімімен бас жүлде Т.Молдағалиев атындағы мәдениет үйінің әншісі Бауыржан Қаңтарбай мен аудандық жастар ресурстық орталығының жетекшісі Қымбат Әділқызына бұйырды.
Ауқымды шараның қорытынды кезеңі-не аудандық мәслихат төрағасы Бекет Ахметов, аудан әкімінің орынбасары Ертай Нұрмаханов қатысты. Жобадағы жұптар сайыстың үшінші кезеңіне де үлкен ынтамен дайындалғанын аңғару қиын болмады. Ел арасындағы хит әндерді нақышына келтіріп, барын салып шырқай білді.
Кеш соңында әділқазылар алқасының мү-шесі, ҚР еңбек сіңірген қайраткері, Құрманғазы атындағы ұлт аспаптар оркестрінің жетекшісі Жанас Бекентұров жобаның мән-маңызына тоқталып, кәсіби әншілермен бірігіп өнер көрсет-кен жандарға, көрермендерге, аудандық әкімдік пен мәдениет бөліміне алғысын жеткізді. Халық-аралық конкурстардың лауреаты, П.Чайковский атындағы Алматы музыкалық колледжінің акаде-миялық ән салу пән циклді комиссиясының мең-герушісі Гүлнар Сақышова да байқауға қатысты пікірін айтты.
– «Екі жұлдыз» байқауы өте жоғары деңгейде ұйымдастырылғанына тәнті болдық, ризамыз. Бізді мұнда кәсіби баға беру үшін шақырды. Мемлекеттік қызметкерлер бұл жоба арқылы ән айтудың оңай еместігін, әншілік кәсіптің қиыншылығын көзбен көрді деп ойлаймын. Сахнада әнді қатесіз орындау, ырғақтан ауытқымау, өзін ұстау, сахналық би қойылымдар сынды өнерлеріңізді жан-жақты сарапқа салып шешім шығардық. Кез-келген байқаудың нәтижесімен келіспеушіліктер болатыны заңдылық. Бірақ, біз барымызды салып, әділ шешім шығардық, – деді. Сондай-ақ Бекет Төлегенұлы мен Ертай Сұлтанәліұлы да мемлекеттік қызметкерлермен мәдени байланыстың ауқымын кеңейткен шара-ға ризашылықтарын білдіріп, шараның өтуіне қолдау білдіріп, үлес қосқан бірқатар мекеме басшыларына Алғыс хаттар табыс етті.
Жоба қорытындысы бойынша, І орынды Қырбалтабай ауылдық мәдениет үйінің қызмет-кері Ернар Мұқан мен «Алматы Энерго Сбыт» басшысы Гүлзада Желдикбаева иеленді. Бәй-дібек би ауылдық мәдениет үйінің директоры Рахат Әлқожа мен аудан әкімінің аппарат басшысы Мақат Темірғалиұлы ІІ орынды еншіледі. Эстрада жұлдызы, аудандық мәдениет үйінің әншісі Нұртас Қайратұлы мен аудандық білім бөлімі басшысының орынбасары Зарина Бақытжан-қызы ІІІ орынды қанжығалады. Басқа да жұптарға түрлі номинациялар табысталып, жеңімпаздар мен қатысушылар ақшалай марапатқа ие болды.
Ринат НАРХАНОВ.
