Еліміздің тұрақтылығына, бәсекеге қабілетті болуына ықпал етіп, дамуына серпін беруде саяси институттардың рөлі ерекше. Билік пен қарапайым халық арасында алтын көпір орнатып, қордаланған мәселелерді шешуде жетекші рөл атқарып жүрген «AMANAT» партиясының қызметін ерекше атауға әбден болады. Осындай нәтижелі жұмыс пен тынымды еңбектің арқасында партияның аудандық филиалы облыста үздіктердің көшін бастады. Тақырыпты тарқатайық...

«AMANAT» партиясының аудандық филиалы облыста үздік деп танылды. Былтырғы жылдың қорытындысы бойынша облыстағы 9 филиал арасында жүргізілген арнайы рейтинг нәтижесінде Еңбекшіқазақ аудандық партия филиалы ішкі партиялық жұмыстарды жоғары деңгейде ұйымдастырғаны үшін І орынды иеленді. Сонымен қатар, «AMANAT» партиясының ұйымдастыруымен өткен «Үз-дік бастауыш партия ұйымы» байқауының облыстық кезеңінде ІІ санат бойынша «Рахат» бастауыш партия ұйымы да І орынның тұғырынан көрінді.

Сондай-ақ, күні кеше ғана партия филиалдарының қоғамдық қабылдау бөлмелерін қолдау және ынталандыру, қызметкерлерінің кәсіби дамуын жетілдіру, қабылдау бөлмелерінің жұмыс сапасы мен тиімділігін арттыру мақса-тында ұйымдастырылған «Үздік қоғамдық қабылдау» бөл-месінің аймақтық кезеңінде «AMANAT» партиясының аудандық филиалының қабылдау бөлмесі ІІ орынды қанжы-ғалап, облыстық партия фи-лиалының төрағасы Қуат Байғоджаевтың дипломымен марапатталды. 

Қонаев қаласында өткен салтанатты шарада Алматы облыстық партия филиалының атқарушы хатшысы Ерлан Жакупов жеңімпаздарды құттық-тап, арнайы сый-сияпаттарын табыстады. Аудандық партия филиалының төрағасы Бағдат Рахимовқа алғыс білдіріп, ұжымның жұмысына сәттілік тіледі.

– Бұл – филиал ұжымының ғана емес, аудандағы партия мүшелерінің жеңісі. Қоғамдық жұмыстарды ұйымдастыруда, азаматтардың құқығын қор-ғауда және тұрғындардың мәселесін шешуде бастауыш партия ұйымдарының еңбегі орасан зор. Еңбектің еленіп жатқаны – үлкен мәртебе. Ел дамуы жолындағы жұмы-сымыз жүйелі жалғасады, – дейді Бағдат Болатұлы.

Өз тілшіміз.