Халықтың саулығы – мемлекеттің басты байлығы. Осы игілікті жолда аянбай еңбек етіп жүрген ақ халатты абзал жандардың еңбегі қашанда құрметке лайық. Солардың бірі – Еңбекшіқазақ ауданының білікті дәрігері, өз ісінің шебері Саттыбаева Лаура Алпысбайқызы.
Лаура Саттыбаева 1988 жылы 15 мамырда Алматы облысы, Еңбекшіқазақ ауданы, Ащыбұлақ ауылында дүниеге келген. 2005 жылы мектепті бітіріп, арман қуып Алматы қаласындағы С.Д.Асфендияров атындағы Қазақ ұлттық медицина университетіне оқуға түседі. Бұл оқу орнында 2005-2012 жылдар аралығында білім алып, дәрігер мамандығын толық меңгерді. Студенттік кезеңінен-ақ өзінің жауапкершілігімен, білімге деген құштарлығымен ерекшеленген жас маман туған жеріне оралып, халыққа адал қызмет етуді мақсат тұтты.
Еңбек жолын Шелек ауылындағы аудандық поликлиникада жалпы тәжі-рибелі дәрігер ретінде бастаған Лау-ра Алпысбайқызы, бүгінде сол мекемеде стационар бөлімінде педиатр ретінде де қызмет атқарып келеді. Көп жылдық тәжірибесі мен үздіксіз ізденісінің арқасында ол балалар мен ересек тұрғындардың денсаулығына қалтқысыз қызмет етіп жүр. Науқас-тармен тіл табысып, олардың әрқай-сысына жеке көңіл бөліп, сапалы медициналық көмек көрсету оның бас-ты ұстанымы.
Медицина – үздіксіз ізденісті қажет ететін сала. Осы талапқа сай келу үшін Лаура Алпысбаевна ұдайы кәсіби шеберлігін жетілдіріп, түрлі курстар мен семинарларға қатысып, заманауи медициналық әдістерді тәжірибеге енгізіп, еңбегімен еленуде. Оның жұмысына деген адалдығы мен кәсі-билігі әріптестері мен басшылық тарапынан да жоғары бағаланады.
Өзінің мейірімділігімен, кішіпейіл-дігімен, сабырлы мінезімен көптің алғысына бөленіп жүрген ақ халатты абзал жан – Лаура ханымның деніне саулық, отбасына амандық, алдағы жұмыстарына сәттілік тілейміз! Еңбегі-ңіздің жемісін көріп, халық алғысына бөлене беріңіз!
Жайна Ептібекқызы.
