Сәрсенбі, 08 Маусым 2022 16:51

Алмақтың абыройы қайтарылуымен

Нұр-Сұлтан қаласындағы Қазақстан Республикасының Ұлттық музейі басшылығының назарына!

                    

Алматы облысындағы оңтүстік астана аты бар ғылым мен білім орталығы Алматы  мегаполисінің іргесіндегі Есік қаласының төңірегінде ежелгі сақ дәуірінен бері келе жатқан обалардың бірінен табылған алтын киімді ханзаданың қаңқа сүйегі Алтын адам деген атпен елімізді әлемге әйгілегені белгілі. Өте күрделі «өтпелі» деген кезеңнің өзінде мемлекетіміз қаржылық-материалдық мүмкіндік тауып, сонау өткен ғасырдың тоқсаныншы жылдары облыстық маңызы бар тарихи археологиялық мұражай ашып, одан бертінде Есік мемлекеттік тарихи-мәдени музей-қорығының ерекше үлгідегі ғимараты салынып, екі жарым мың жыл бұрынғы обалардың қорғау аумағы белгіленген болатын. Бүгінгі күндері қорық-мұражай – бүкіл әлемнен ағылып келіп жатқан туристерді ғана емес тарихшы-археолог ғалымдарды да қызықтырып отырған ғылыми орталық. Қазіргі кезеңдегі күрделі геосаяси жағдайда тарих ғылымының маңызы өте жоғары. Сондықтан қорық-мұражай қызметкерлері археолог ғалымдардың ізденістерінің арқасында сақ обалары тығыз орналасқан Еңбекшіқазақ ауданы тұрғындарының көмегімен музейге жинақталған жәдігерлерді зерттеп-зерделеп және осы құндылықтардың сақталуына мұқият зер салып отыр.

Өкінішке қарай ауданымыздың Түрген ауылдық округі аумағынан табылып, едәуір ұйымдастыру – қаржылық шығындармен қорық-мұражай қорына қабылданып, есепке қойылған ерте дәуірлерде қолданылған құрбандық рәсімін жасау астаушасын (алтарь-жертвенник) Ұлттық музей басшылығы белгілі бір себептерге байланысты сұратып алдырып, көп ұзатпай қайтаруға уағда берсе де жәдігерді қайтармай отырған көрінеді, қорық-мұражай қызметкерлерінің айтуынша.

Еліміздің астанасында орналасқан Ұлттық музейдің дәрежесі биік болғанмен, сақ обаларының ортасындағы туристік жолдар қиылысындағы, ғылыми нысандардың маңызды бағытындағы Есік мемлекеттік тарихи-мәдени музей-қорығының да пәсі төмен емес-ау. Сондықтан жәдігердің орнына қайтарылуы қажет деп есептейміз.

Сөз соңында осы құлаққағыс мақала Ұлттық музей басшылығының назарына жылдамырақ жету үшін «Еңбекшіқазақ» газетінің жанындағы mezet.kz желілік басылымына да жариялап отырмыз.

Хайролла АХМЕТЖАНОВ,

«Еңбекшіқазақ» газетінің, mezet.kz желілік басылымының бас редакторы; Алтын адам тақырыбын жарнамалап, жариялаудағы еңбегі үшін ҚР Журналистер одағы сыйлығының иегері болған Қазақстанның Құрметті журналисі.

Тілеулес ҰЗАҚОВ,

Еңбекшіқазақ аудандық соғыс және еңбек ардагерлері ұйымының төрағасы; Түрген округі әкімі лауазымын атқару барысында құрбан рәсімін жасау астаушасының мұражайға өткізілуіне тікелей ықпал еткен ауданымыздың Құрметті азаматы.

Оқылды 761 рет

Соңғы жаңалықтар

Шіл 04, 2022

Қандастар көшінің қарқыны артып…

2022 жылдың 1 шілдесіндегі жағдай бойынша 7415 этникалық қазақ тарихи отанына оралып,…
Шіл 04, 2022

Велошеру елордаға бет алды

Ағымдағы жылдың 13 шілдесінде Қазақстан Республикасы Ұлттық қауіпсіздік комитетінің…
Шіл 01, 2022

Облыстық доп додасы

Дені сау ұлт – мемлекеттің басты байлығы. Саламатты өмір салты және спорт – еліміздің…
Шіл 01, 2022

Жаңалық жаршыларына құрмет көрсетілді

Журналистердің кәсіби мерекесі қарсаңында аудан әкімінің міндетін атқарушы Айбек Бидаев…
Шіл 01, 2022

Тюркский эль на картинах художника

Областной историко-краеведческий музей имени Мухамеджана Тынышпаева в г.Есике – очаг…
Маус 27, 2022

Асхат Аймағамбетов: «Мектеп асханасы…

Оқу-ағарту министрі Асхат Аймағамбетов мектеп дәретханалары мен асханаларының жағдайы…
Маус 27, 2022

Күміс келді ауылға, күміс келді!

Қазақ халқы қашанда бала тәрбиесіне ерекше мән берген. Сәби дүниеге келгеннен бастап оның…
Маус 24, 2022

Майдангер ұстазды еске алды

Таутүрген ауылындағы негізгі орта мектепте ҰОС-ның арадагері, 1945 жылы Москвадағы Қызыл…
Маус 23, 2022

Қоғам тыныштығын, азаматтар құқығын…

Қоғамның тыныштығын, тәртібін, азаматтардың заңды құқығын қорғау – полиция…

Күнтiзбе

« Шілде 2022 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет