Дүйсенбі, 13 Маусым 2022 17:00

«Сақ алауын» лаулатқан түн

«Сақ алауын» лаулатқан түн mezet.kz

«Есік» мемлекеттік тарихи-мәдени музей-қорығында «Музей түні» өтті. Аудан тұрғындары асыға күтетін аталмыш түн  бүгінде өткеніміз бен өркениетімізді зерделейтін, мәні мен маңызы зор мәдени шараға айналды. Міне солай, індет кесірінен үзіліс тапқан «Музей түні» алтыншы рет алауын жағып, аңсаған жұртшылықпен қайта қауышты.

Ең әуелі, шара шымылдығын ашқан музей директоры Гүлмира Мухтарова атаулы шаранының жай-жапсарына тоқталып, оның өзіндік ерекшеліктерін тілге тиек етті:

– Біздегі «Музей түні» Қазақстан музейлері дәстүрге айналдырған мамыр айында емес, маусымда өткізіліп келеді. Бұл арқылы біз музейде өткізілетін осындай форматтағы шаралар белгілі бір мерзімге «байланып» қалмайтынын, бұл музейдің жылына бір рет, бір мезетте тарихқа, мәдениет пен музейге қызығатын үлкен аудиторияны жинауға күш салдық. Сонымен қоса, биылығы балалар жылына байланысты рухани шарамыздың бағдарлама мазмұнында жас ұрпақтың тарихи зердесін оятуға басымдық бердік. Шараның жыл сайын қызықты өтуіне атсалысып келе жатқан аудандық мәдениет және тілдерді дамыту басқармасына, музей мен туризм саласындағы әріптестерімізге алғыс айтамын», – дей келе әрдайым музей жұмысын насихаттап, ел руханиятына үлкен үлес қосып жүрген мәдениет саласының өкілдерін, өзге де белсенді әріптестік орнатып келе жатқан мамандарды алғыс хатпен марапаттап, арнайы сый-сияпат жасады.

Қонақтар музейдің экспозициялық залдарына экскурсия жасап, тарихи жәдігерлерді тамашалаудан бастады. Балалар жылына орай «Айлин» және «Renior art» шығармашылық орталықтары «Бәрі өз қолымызда» атты шығармашылық сабақтарын өткізіліп, қылқаламдармен өрнектер бояуды үйретті. «Музей түні» аясында жастар арасында тарихтың жұмбақ тұсын табуға жол ашатын квест ойыны ойналып, жиналған балдырғандарды өзгеше әсерге бөледі. «Ұста Дәркембай атындағы қолданбалы өнер музейі» шеберлерлерінің жез бен мысқа салған алуан өрнектері, сондай-ақ Қазақстан Суретшілер одағының мүшесі Қ.Қ.Көдековтың «Ғасырлар толғауы» мен шәкірті Т.Қ.Калиеваның «Шамшырақ» атты көрмелері және «Aspan» баспасының кітап көрмесі көптің көзаймына айналып, алаулы түнді айрықша әсерге бөледі. Ал Байдаралы отбасы ерте көшпенділердің «Бес қару» жауынгерлік өнерін көпшілікке ұсынып, иігі шараға қадам басқандардың көкіррегінде бағзы бабалардың ерлік рухын тұтандырды. Қаракемер мәдениет үйі өнерпаздарының концерті де тамашаның көркін қыздырды. Музей аумағында қазақтың ұлттық ойындары садақ ату, арқан тарту ойындары ойналды. Сонымен қатар аталған «Музей түніне» қатысушылар шығармашылық ойындарда бақ сынап, гипстен жасалған түрлі мүсіндерді бояуға және петроглифтердің көшірмесін жасау мүмкіндігіне ие болды. Сонымдай-ақ, облыстық балалар мен жасөспірімдер спорттық туризм және экскурсия орталығының білім алушыларының шеберлік сабақтары мен жаттығулары да көпшілік қауымның назарына ұсынылды. Шараға қастысқан өнер шеберлері өз әсерлерімен бөлісіп жатты. Бұл ретте «Шамшырақ» атты көрмені ұйымдастырған мектеп оқушысы Т.Калиева: «Мен ұнда өзімнің суреттерім мен қолөнерлерімді көптің назарына ұсындым. Келген қонақтар менің өнер туындыларымды жоғары бағалап жатты. Бұл «Музей түнінен» мол рухани ләззат, зор шабыт алдым», – дейді.

Ашық аспан астында балаларға  ұлттық құндылықты дәріптейтін «Күлтегін», «Мұзбалақ», «Қазақ елі» мультфильмдері көрсетілді. «Музей түні» аясындағы шараға қатысқан «Aspan» баспасының директоры Ардақ Тұрсынбай Жетісу тарихы туралы жазылған кітаптарды музей ұжымына тарту етті. Шара соңы осы түннің символикасы «Сақ алауын» жағумен аяқталды.

          Е.АСЫЛ.   

Оқылды 819 рет

Медиа

Соңғы жаңалықтар

Шіл 04, 2022

Қандастар көшінің қарқыны артып…

2022 жылдың 1 шілдесіндегі жағдай бойынша 7415 этникалық қазақ тарихи отанына оралып,…
Шіл 04, 2022

Велошеру елордаға бет алды

Ағымдағы жылдың 13 шілдесінде Қазақстан Республикасы Ұлттық қауіпсіздік комитетінің…
Шіл 01, 2022

Облыстық доп додасы

Дені сау ұлт – мемлекеттің басты байлығы. Саламатты өмір салты және спорт – еліміздің…
Шіл 01, 2022

Жаңалық жаршыларына құрмет көрсетілді

Журналистердің кәсіби мерекесі қарсаңында аудан әкімінің міндетін атқарушы Айбек Бидаев…
Шіл 01, 2022

Тюркский эль на картинах художника

Областной историко-краеведческий музей имени Мухамеджана Тынышпаева в г.Есике – очаг…
Маус 27, 2022

Асхат Аймағамбетов: «Мектеп асханасы…

Оқу-ағарту министрі Асхат Аймағамбетов мектеп дәретханалары мен асханаларының жағдайы…
Маус 27, 2022

Күміс келді ауылға, күміс келді!

Қазақ халқы қашанда бала тәрбиесіне ерекше мән берген. Сәби дүниеге келгеннен бастап оның…
Маус 24, 2022

Майдангер ұстазды еске алды

Таутүрген ауылындағы негізгі орта мектепте ҰОС-ның арадагері, 1945 жылы Москвадағы Қызыл…
Маус 23, 2022

Қоғам тыныштығын, азаматтар құқығын…

Қоғамның тыныштығын, тәртібін, азаматтардың заңды құқығын қорғау – полиция…

Күнтiзбе

« Шілде 2022 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет