Сәрсенбі, 10 Тамыз 2022 18:34

Алматы облысында «Абайдың ақын ұлдары» кітабының тұсаукесері өтті

10 тамыз – «Адамзаттың бәрін сүй, бауырым!» деп жырлаған, әлемге танымал ұлы ойшыл Абай күні. Алматы облысында атаулы мерекеге орай  көптеген тағылымды шаралар кешені ұйымдастырылды. Өткенге тағзым, болашаққа бағдар ретінде Жаңалық ауылындағы Саяси қуғын-сүргін құрбандарына арналған музейде Абайдың жазықсыз жапа шегіп, зорлық-зомбылық көріп, қуғын-сүргінге ұшыраған ұлы ақынның ұлағатты ұрпақтары жайында бүкпесіз сыр шертілген әсерлі кеш өтті.

Жан-жақтан жиналған зиялы қауым өкілдері: «Абай – ұлт болмысын танудың алтын кілті, қазақ дүние танымының заңғар шыңы» дей келе, ұлы тұлғаның сан-қырлы таланты, әлемдік деңгейдегі классиктер шығармаларының аудармаларының өскелең ұрпаққа тәрбиелік мәні туралы өрелі ой толғады.

Арнайы жоспарланған «Абайдың ақын ұлдары» атты көп жылғы еңбектің тұсауы кесіліп, оқырманға жол тартты. Кітапта дала данышпанының дара, талантты ұлдары – Ақылбай, Мағауия мен Тұрағұл, немересі Әубәкір Ақылбайұлы жайлы зерттеулер зерделеніп жинақталған. Дана Абайдың тұңғышы Ақылбай мен Мағауия өлеңсүйер қауымға кеңінен танымал бірталай көркем дастан, поэмалар жазған. Тұрағұл қара сөздің хас шебері болған. Немересі Әубәкірдің өлеңдерінде Абай үлгісі сайрап жатыр. Ол сатиралық өлеңдерімен бірге тарихи шығармаларға бет бұрып, көлемді тарихи дастандар жазған. Кеңестік кері саясаттың тас құрсауы кемеңгер ұрпақтарын айналып өтпеген.

«Бүгінгі шараның бұл музейде өтуі де тегін емес. Мен білетін Абайдың немере інісі Шәкәрімнен бастап, 14 ұрпағы қуғын көрген. Қысқасы, кеңес өкіметі Абай ұрпақтарына теріс қараған. Ал енді бүгінгі жастар Абай армандағандай білімді, білікті, жан-жақты болу керек», – деп атап өтті жазушы Болат Жүнісбеков.

Шара соңында қонақтар музейді аралап, сирек экспонаттармен, тарихи естеліктермен танысты. Алматы облысының аумағында Хәкім Абайды дәріптеу мақсатында  «Үшқоңыр» фольклорлы-этнографиялық ансамблінің «Абай әндері» концерті, «Үмбетәлі жырларындағы Абай бейнесі» жиыны, «Хантәңірі» халық театрының «Телғара» фильм-спектаклінің қойылымы, «Абай – жыршы, ұлы ақыны елімнің» поэзия кеші 17-ші тамызға дейін жалғасын таппақ.

Оқылды 1347 рет

Соңғы жаңалықтар

Қырқ 30, 2022

Тәрбие мен білім — тағылымға бастар…

Ұстаздық – ұлағатты іс. Өмірде өскелең ұрпақ үшін тер төккен ұстаздар қауымының қашанда…
Қырқ 30, 2022

Их любят и ждут…

Международный день пожилых людей был провозглашен на 45-й сессии Генассамблеи ООН в…
Қырқ 29, 2022

Бөлім басшысы бекітілді

16 қыркүйек күні аудан әкімі Алтай Досымбаевтың өкімімен «Ішкі саясат, мәдениет, тілдерді…
Қырқ 26, 2022

Газификация – социальная программа

Газификация сельских округов района началась в 2017 году в рамках государственной…
Қырқ 26, 2022

Ұлылар үндестігі

Аумалы-төкпелі дәуірде туып, ұлт үшін топтаса білген кешегі зиялылар шоғырының шыңында,…
Қырқ 26, 2022

Экстремизм – ең қауіпті бүлік

Барлық мақтау мен мадақ күллі әлемнің Раббысы болған Аллаға тән. Оның салауаты мен сәлемі…
Қырқ 22, 2022

ҚАЗАҚСТАН РЕСПУБЛИКАСЫНЫҢ…

Қазақстан Республикасы Президентінің кезектен тыс сайлауын тағайындау туралы Қазақстан…
Қырқ 21, 2022

ҚАЗАҚСТАН РЕСПУБЛИКАСЫНЫҢ…

Қазақстан Республикасының елордасы – Нұр-Сұлтан қаласының атауын Қазақстан…
Қырқ 20, 2022

Президент 2023 жылы өтетін…

Қасым-Жомарт Тоқаев Дүниежүзілік экономикалық форумның негізін қалаушы әрі атқарушы…

Күнтiзбе

« Қазан 2022 »
Дс Сс Ср Бс Жм Сб. Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет