Байлықтың ең үлкені – рухани байлық дейміз. Ал сол рухани байлықтың негізгі қоры сақталған орын – кітапхана екені сөзсіз. Осынау мол мұраның қорын сақтап, оқырманға қажетін тауып беріп отырған кітапхана қызметкерлерінің еңбегі ерен.
Әрине, еңбек ешқашан ескерусіз қалмайды. Ел арасында кітап оқуды насихаттап, жас ұрпақтың рухани байлықпен сусындап өсуіне ден қойып, жағдай жасап жүрген үздік кітапханашыларды ҚР Ұлттық кітапханасы атынан құттықтап, төсбелгілермен марапаттады. Мұндай марапатқа ауданымыздың кітапханашылары да әбден лайықты, әрине.
Еңбекшіқазақ аудандық кітапхананың директоры Жандосова Гүлнар Жумашқызы ҚР Ұлттық кітапханасының «Қазақстаның құрметті кітапханашысы» төсбелгісімен марапатталды.
ҚР Ұлттық кітапханасының «Кітапхана ісінің ардагері» төсбелгісімен Азизова Саням Ахметқызы марапатталды.
ҚР Ұлттық кітапханасының «Кітапхана ісінің үздігі» төсбелгісімен Саурықова Кулия Сағатбекқызы марапатталды.
