29 қараша күні онлайн форматта «Junior Eurovision» танымал музыкалық байқауы өтеді. Онда Қазақстан атынан Қарақат Башанова өнер көрсетеді. «Junior Eurovision» байқауын «Хабар» телеарнасынан тікелей эфирде тамашалауға болады. Басталуы – сағат 22.00-де.

12 елдің өнерпаздары бақ сынайтын бұл байқау пандемияға байланысты онлайн өткізіледі. Виртуалды сахнаға Қарақат екінші болып шығып, белгілі сазгер Хамит Шанғалиевтің «Forever» әнін орындайды.

Жарыстың ережесі бойынша, жеңімпаз әділ қазылар алқасы мүшелерінің дауыс беруі және 2 кезеңде өтетін онлайн-дауыс беру арқылы анықталады. junioreurovision.tv сайтында кішкентай жерлесімізге дауыс беріп, қолдау көрсетіңіздер, ағайын. Дауыс беру 28-29 қараша аралығында конкурстың финалы басталғанға дейін жалғасады. Финал аяқталғаннан кейін, көрермендердің өздерінің сүйікті әншілері үшін дауыс беруі үшін тағы 15 минут уақыт беріледі.

Дауыс беру және байқау туралы толығырақ ақпаратты сілтеме бойынша білуге болады.