Қазақстан Республикасының Президенті Қасым-Жомарт Кемелұлы Тоқаев 2022 жылғы 16 наурыздағы «Жаңа Қазақстан: жаңару мен жаңғыру жолы» атты Қазақстан халқына Жолдауында ауқымды конституциялық реформаға бастамашылық жасады. Конституциялық реформаның саяси мәні – басқарудың суперпрезиденттік үлгісінен мықты Парламенті бар президенттік басқару формасына көшу. Бұл қадам саяси жүйені сапалы трансформациялауды көздейді, ол Қазақстан тарихындағы жаңа кезеңнің басталуы – Жаңа Қазақстанды құру туралы әңгіме қозғауға мүмкіндік береді.

Ел Президенті ұсынған саяси реформалар іргелі сипаттағы реформалар болып табылады. Олар саяси жүйені демократияландыру туралы жылдар бойы айтылып келе жатқан қоғамның сұранысынан туындайды және азаматтардың мемлекеттік шешімдерге ықпал ету, Жаңа Қазақстанды құруға тікелей қатысу мүмкіндігін қамтамасыз етуге бағытталған. Бұл референдум шын мәнінде Әділетті Қазақстан құру жөніндегі саяси реформаларды жүзеге асырудың алғышарты болып табылады. Сондықтан баршаңызды Жаңа Қазақстанды құруда белсенді болуға шақырамын.

               Бекет Төлегенұлы АХМЕТОВ,

«AMANAT» партиясынан Еңбекшіқазақ аудандық мәслихаттың VII шақырылым депутаты, аудандық мәслихат хатшысы.