Бұл – әрбір Қазақстан азаматын толғандыратын бірден-бір сұрақ. Мен Қазақстан азаматы ретінде Референдумға қатысамын. Себебі, бұл халық үшін аса маңызды қадам болмақ! Халық өзгерісті күтуде, құрғақ уәде емес! Нақты істің нәтижелерін көргісі келеді. Ел басқаруға халықтың қатысуы маңызды. Мемлекет басшысы Қасым-Жомарт Тоқаев Президеттің лауазымына байланысты шекетеулері арқылы халық пен билік арасындағы сенім мен адалдықты арттырмақ. Ашықтық, демократия – референдумның жемісі болары сөзсіз. Осыған дейін 1995 жылы өзгертілген Конституцияға одан бері төрт рет түзету енгізілсе, биылғы жылы, яғни 27 жылдан соң 33 бабына өзгеріс енгізілмекші. Жалпы референдум билікке емес қарапайым халық үшін «Халық үнін» еститін мемлекет құруда көптеген жұмыстар жасалынуда, соның ішінде қастерлі Ата заңымыздың адам өміріндегі маңыздылығын ескере келе, әрбір Қазақастан азаматы референдумға қатысуы қажет деп есептеймін. Бүгіннен ертеңді қалыптастыру және ұрпақтың алдындағы жауапкершілік сіз бен бізге жүктелген. Жарқын болашаққа, маңызды қадамды бірге жасайық!

Камшат КАРАГУЛОВА, 

аудандық маслихат депутаты.