Референдум және Конституцияға енгізілетін түзетулер мен өзгерістерді халыққа кеңінен түсіндіру мақсатында бүгін Қазақстан Республикасы Парламенті Мәжілісінің депутаттары – Жанарбек Садыканұлы, Жанна Тілеубекқызы және облыстық маслихат депутаттары Е.Абитов, Г.Құраметова, аудандық маслихат депутаттары Қ.Байғоджаев пен Б.Рахимов Малыбай ауылдық округінің активі ауыл тұрғындарымен кездесті.

Кездесуде референдумның мән-маңызы жан-жақты талқыланып, Конституцияға енгізілетін түзетулердің әрқайсысына қысқаша шолу жасалды. Сондай-ақ Парламенттің рөлі мен мәртебесінің өзгеріп, халықтың ел басқару ісіне араласуы кеңейтілетінін тілге тиек етіп, азаматтардың құқығын қорғау тетіктерінің күшейтілетінін нақтылап түсіндіріп өтті. Конституциялық реформа – мемлекетімізді одан әрі демократияландыру жолындағы маңызды тарихи кезең. Бұл реформалар саяси-әлеуметтік дамуға, экономикалық жаңару мен жаңғыруға үлкен серпін беретінін жеткізді. Жиын соңында ауыл ақсақалдарының батасын алып қайтты.

Қ.ДАРБАЕВА, консультант.