2022 жылғы 5 маусымда Мемлекет басшысының жарлығына сәйкес Қазақстан Республикасының Конституциясына өзгерістер мен толықтырулар енгізу бойынша республикалық референдум өтеді. «Қазақстан Республикасының Конституциясына өзгерістер мен толықтырулар енгізу туралы» заң жобасы жалпы халықтық дауыс беруге шығарылады, деп хабарлады Қазақстанның Ресейдегі елшілігі.

18 жасқа толған қазақстандықтар Мәскеу қаласы, Чистопрудный бульвары, 3 «А» мекенжайы бойынша Қазақстанның Ресейдегі Елшілігінде дауыс беруге қатыса алады. Мұнда №265 сайлау учаскесі жұмыс істейді, оның жұмыс уақыты Мәскеу уақыты бойынша 07:00-ден 20:00-ге дейін.
Мәскеуден бөлек, мыны қалалардың Қазақстанның бас консулдықтарындағы сайлау учаскелерінде жергілікті уақыт бойынша сағат 07.00-ден 20.00-ге дейін дауыс беруге болады:
Санкт-Петербург – Рылеева көш., 10 үй, № 290 сайлау учаскесі;
Қазан – Карл Маркс көш., 8/13 үй, № 301 сайлау учаскесі;
Астрахань – Акварельная көш., 2 үй, «Б», № 291 сайлау учаскесі;
Омбы – Шоқан Уәлиханов көш., 9 үй, № 292 сайлау учаскесі.

Сайлау учаскесіне барған кезде сізде Қазақстан Республикасы азаматының төлқұжаты немесе жеке куәлігі болуы қажет.