2022 жылдың 5 маусымында Қазақстан Республикасының Конституциясына өзгерістер мен толықтырулар енгізу туралы республикалық референдум өтеді. Азаматтар референдумда бір ғана "Қазақстан Республикасы заңының жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?" деген сұраққа жауап береді. Осыған байланысты Мәулен Әшімбаев референдумға арналған бюллетеньдерде неліктен бір сұрақ болатынын түсіндірді.
– Заңнамамызға және қалыптасқан тәжірибеге сәйкес бізде бір бюллетеньде бір сұрақ болуы қажет деп қабылданған. Халық үйреніп қалған бұл тәжірибе 30 жыл бойы жалғасып келеді. Конституцияның 33 бабына 56 өзгерту мен толықтырулар енгізілгелі отыр, сондықтан сайлау учаскесіне дауыс беруге келген әрбір азамат 56 бюллетеньді бөлек-бөлек толтыратынын елестетудің өзі қиын. Бұл техникалық жағынан өте күрделі процесс болады, – деді спикер «Аманат» партиясы жанындағы «Талқылау» диалог алаңында.
mezet.kz
