Бүгін «AMANAT» партиясы Еңбекшіқазақ аудандық филиалының атқарушы хатшысы, депутаттық фракция жетекшісі, аудандық мәслихат депутаты Байғоджаев Қуат Сұлтанұлының төрағалығымен Конституцияға өзгерістер мен толықтырулар енгізу жөніндегі референдумды қолдау мақсатында құрылған аудандық партиялық штабының соңғы жиыны өтті.

«Мемлекет басшысы Конституцияға түзетулер енгізу бойынша республикалық референдум өткізуді ұсынды. Президенттің тарихи шешімдері – жаңа әрі әділетті Қазақстан құру жолында жасалған ірі қадам, еліміздің стратегиялық болашағын айқындайтын бастама. Бүкіл халықтық деңгейдегі референдум мемлекеттің нақты өзгерістерге бет бұрғанын көрсетіп отыр, сондықтан партия барлық күш-жігерін конституциялық реформаны қоғамдық қолдауды ұйымдастыруға бағыттауға дайын. Ел тағдырын айқындайтын осынау маңызды кезеңде ешкім шет қалмауға және тарихи таңдау жасауға тиіс. Егемен еліміздің ертеңі – халықтың қолында!» - деді штаб төрағасы.
Сонымен қатар, Қуат Сұлтанұлы штаб мүшелерінің атқарған жұмыстары жайлы қортындылады. Айта кетсек желілік кестеге сай және кестеден бөлек барлығы 68 іс-шара ұйымдастырылып 26 ауылдық округтің 19-ы, 79 елді мекеннің 37-і қамтылды. Осы аралықта ауданымызға ҚР Парламенті Мәжілісінің депутаттары келіп халықпен тікелей 10 елді мекенде 10 кездесу өткізді. Ағымдағы жылдың 5 маусым күні өтетін жалпыреспубликалық Референдумға дауыс беретін учаскелерде партия тарапынан 333 өкіл жасақталып, бүгінгі күні арнайы оқудан өтіп партиялық куәліктері табысталғаны жайлы бөлісіп, осынау тарихи сәтте әр азаматты дауыс беруге шақырды.
Сөз соңында Қуат Байғоджаев атқарылған жұмыстарға ат салысқандары үшін партия өкілдері мен штаб мүшелеріне алғысын білдірді.

Қ.ДАРБАЕВА, консультант.