Қазақстан Республикасының Президенттігіне үміткер Қасым-Жомарт Тоқаевты қолдау жөніндегі аудандық қоғамдық штаб ашылды. Оның құрамына мәслихат депутаттары мен халықтық коалиция өкілдері және белсенді жастар енді.

Халықтық коалициядан құралған штабтың алғашқы отырысында «AMANAT» партиясы аудандық филиалының атқарушы хатшысы Бағдат Рахимов саяси науқанның жай-жапсарына тоқталды. Бағдат Болатұлының айтуынша, облыстық қоғамдық штаб бір ай бойы үгіт-насихат жұмыстарында ҚР Президенттігіне Кандидат Қ.К.Тоқаевтың сайлауалды бағдарламасын жан-жақты түсіндіретін болады. Бүгінде аудандық  штабта ұйымдастыру, саяси, қоғамдық қабылдау, заңгерлік бөлімдері мен баспасөз қызметі жасақталған. Аудандық штаб мүшелері бағдарламаға сәйкес еңбек ұжымдарымен, қоғам белсенділерімен, құрылысшылармен, ауыл шаруашылығы, этномә-дени бірлестік өкілдерімен, көпбалалы аналармен, спортшылармен, ақсақалдармен, кәсіпкерлермен кездесіп, кандидаттың сайлауалды бағдарламасымен таныстырады. Орталық сайлау комиссиясының күнтізбелік жоспарына сәйкес 21 қазан күні сағат 18.00-ден бастап елімізде үгіт-насихат кезеңі басталды. Қазір ауданда 111 сайлау учаскесі бар. Аталған сайлау учаскелерінде партия атынан 333 адам сенімді өкіл қызметін атқаратын болады.

Е.АСЫЛ.