Мен, Рахимов Бағдат Болатұлы, Алматы облысында дүниеге келдім. Еңбек жолымды 1992-2009 жылдар аралығында Қырбалтабай ауылындағы Ы.Алтынсарин атындағы орта мектепте мұғалім болып бастап, мектеп директоры қызметін атқардым. 2009-2022 жылдары «AMANAT» партиясы Еңбекшіқазақ аудандық филиалының кеңесшісі болдым. 2022 жылдың қыркүйек айынан бастап «AMANAT» партиясы аудандық филиалының төрағасы болып қызмет атқарудамын.

Отбасылымын: екі ұл, бір қызым бар. 

Құрметті жерлестер!

Тәуелсіз ел болғанына 30 жылдан асқан Қазақстан қазіргі кезде өз мемлекеттігін түбегейлі орнатып, жарқын болашаққа нық қадамдармен жылжуда. Еліміздің алдында тұрған келесі міндет бұл – экономиканы дамытып, халқымыздың әл-ауқатын арттырып, дамыған елдер қатарына қосылу.

Аудандық мәслихат депутаты-ның негізгі міндеті – бұл өзіне сенім артқан округті  елімізде қабылданып жатқан түрлі әлеуметтік-экономикалық бағдарламалардан тыс қалдырмай, енгізуге және тиісті қаржының бөлінуіне барынша атсалысу.

Осы өңірдің тумасы ретінде округтегі елді мекендердің мәселелері маған етене таныс және оларды шешу үшін қандай шаралар қолдану керек екендігі маған мәлім. Мен сайлаушыларыма құрғақ уәде беріп, жүзеге аспайтын жобаларды ұсынбаймын.

Депутаттың негізгі мақсаты – өз округінің мәселелерін жетік білу, оны аудандық мәслихат отырыстарында көтеріп, оң шешімін табуына тиісті қаржының бөлінуіне ықпал ету. Бұл мақсатты іске асыруға даярмын. Депутаттың халық пен билік ортасындағы жаршысы екендігін ескере отырып, төмендегідей ұсынылған жұмыс бағыттарының іске асуына аянбай атсалысамын.

САЙЛАУАЛДЫ БАҒДАРЛАМА

Біздің аудандағы елді мекендер еліміздегі ең ірі мегаполис Алматы қаласына жақын орналасқан. Сондықтан шағын және орта бизнесті дамытудың әлеуеті өте зор. Қазіргі кезде елімізде іске асырылып жатқан реформалар мен даму бағдарламасының бірқатар жобаларына ауданды енгізіп, бөлініп жатқан орасан қаржының бір бөлігін алуға қолымыз жетсе, аудандағы әлеуметтік-экономикалық жағдай едәуір жақсара түсер еді. Осы мәселенің шешілуін негізгі бағдар етіп ала отырып, төмендегі бағыттарда жұмыс істеймін:

– тұрғындарды жұмыспен қамтамасыз етуге ықпал ету, бұл үшін осы бағыттағы мемлекеттік бағдарламаларға қатысу арқылы ауданымызда шағын және орта бизнесті дамытуға атсалысу, отандық және шетелдік инвестицияларды тарту арқылы округ аумағында жаңа ауылшаруашылық және өнеркәсіп орындарын ашуға ықпал ету. Сондай-ақ, жұмыспен қамту бағдарламалары аясында жаңа жұмыс орындарын ашу мен жұмыссыздарды қайта даярлауды ұйымдастыруға күш салу;

– елді мекендерді сумен қамтамасыз ету мәселесінің шешілуіне ықпал ету;

– елді мекендердегі көшелер мен жолдарды күрделі жөндеуден өткізу мәселесін шешуге атсалысу;

– халыққа мүлтіксіз қызмет етіп және реформалар нәтижесінде берілетін мүмкіндіктерді толыққанды пайдалана отырып ауылдың инфрақұрылымдарын дамытуға үлес қосамын;

– дамытуға бағытталған экономикалық және әлеуметтік бағдарламалардың орындалуын бақылау;

– ауданымыздағы әлеуметтік объектілердің: емханалар, ауруханалар, мектептер мен балабақшалардың материалдық жағдайын жақсартуға, сондай-ақ жаңа әлеуметтік объектілердің ашылуына ықпал ету;

– жастарды қолдауға арналған іс-шараларға ұйытқы болу, мәселелерін шешуге ықпал ету;

– білім беру саласында қордаланған мәселелерді шешуге, орта мектептердің материалдық-техникалық базасын нығайтуға, балаларымыздың сапалы білім алуына жағдай жасауға күш салу менің сайлауалды бағдарламамның негізі бағыты. 

 Құрметті сайлаушылар!

Мен Еңбекшіқазақ өңірі тұрғындарының әл-ауқаты мен өмір сүру сапасын едәуір арттыру бойынша қойылған міндеттерді шешу үшін сайлауға барамын.

Біз бірге мықты мемлекет құру жолында барлық мақсаттарға қол жеткізе алатынымызға сенімдімін.

Депутаттыққа кандидаттың сайлауалды бағдарламасын сайтта жариялау РЕСПУБЛИКАЛЫҚ БЮДЖЕТ ҚАРАЖАТЫНАН ТӨЛЕНЕДІ.