Жұма, 04 Тамыз 2023 15:41

Алипова Сауле Базарбайқызы

Мен Алипова Сауле Базарбайқызы, Түркістан облысында туып-өстім. Қазақ химия-технологиялық институтында инженер-химик-технолог мамандығы бойынша жоғарғы білім алдым. Еңбек жолымды Шымкент қаласында балалар бақшасынан бастадым. Шымкент асбест-цемент конструкциялары комбинатының құбыр цехында 2-разрядты токарьден цех мастері қызметіне дейін көтерілдім. Орыс тілі және әдебиеті пәнінің мұғалімі, Сайрам аудандық әскери комиссариатында мемлекеттік тіл аудармашысы қызметтерін атқардым.  42 жыл әр түрлі салада абыройлы еңбек етіп, соның ішінде 18 жыл мемлекеттік қызметте жұмыс атқардым. 2005 жылдан Еңбекшіқазақ ауданы, Балтабай ауылдық округі әкімі аппаратының бас маманы, 2009 жылдан осы уақытқа дейін округ әкімінің орынбасары қызметін атқарып келемін.  Жұмысымда   округтің әлеуметтік  экономикалық дамуына өз үлесімді қосып келемін.

2023 жылдың қаңтар айынан қызметіме қайта келген күннен бері Балтабай, Бірлік ауылдарының көшелеріне жалпы 4 шақырымдай  жолына 4500 тонна тас төсетіп бердім. «Мега тас», «Еңбек тас» және «Эклсклюзив» Жауапкершілігі шектеулі серіктестерімен  «Прометей», «Надежда» және «Труд» саяжайларына барар 3 шақырым тас жол төсеу және ауызсу мұнарасының істен шыққан насосын ауыстыру ішін меморандум жасадым. Жол жасалды, насос ауыстырылды.  Ақбастау, Өрнек ауылдарында көше жарықтарын жүргіздім. Ақбастау ауылының Алмалы көшесінің түгелдей электр бағандары мен желілері ауыстырылды.  Заңсыз орналасқан орталық қоқыс төгетін орынды заңды орнына көшіріп жатырмын.

Биылғы жылы округтің Балтабай, Бірлік, Ақтоғай ауылдарында 7 көше асфальтталады.

Алдағы жылдары Бірлік ауылына мектеп салу жоспарда бар. Ол үшін, қазір жер телімін анықтап, құжаттарын заңдастырудамын.

Ақбастау, Өрнек және Ақтоғай ауылдарында дәрігерлік амбулатория салдыру үшін жер телімдерін анықтап, заңдастыру жұмыстары жүргізілуде.

Балтабай ауылының орталығынан демалыс аймағын жасау жоспарлап отырмын. Оның жобалау-зерттеу жұмыстары жасалынды.

Балтабай, Өрнек, Еңбек ауылдарының жайылымдық жерлерін мемлекетке қайтаруға жұмыс жасап жатырмын. Онымен қоса пайдаланылмай жатқан егістік жерлерді қайтару жұмыстарын жүргізудемін.

Ауылымызда шешімін табуды қажет ететін мәселелер жетерлік. Округтегі 7 ауылдың көшелерін асфальттау, көше жарықтарын жүргізу, Ақтоғай ауылының Самал көшесіне ауызсу жеткізу, балаларға арналған ойын алаңының құрылысы,  мини спорт алаңдар жұмыстарын жүргізу қажет. Міне осы бағытта мен алдағы күндері жұмыс жасайтын боламын.

Қазіргі күні округ тұрғындарымен байланыста болып, тұрғындардың үнін есту  үшін «Ашық әкімдік / Доступный акимат» жобасын құрып, Whatsapp мессенжер желісінде өзім тікелей халықтың сұрақтарына жауап беремін.

Өз еліме әрқашанда еңбек етуге дайынмын.  Бұл үшін маған сіздердің қолдауларыңыз керек!

– 2023-2024 жылдың соңына дейін Балтабай ауылдық округінің оңтүстік-шығыс жағында «Демалыс орны» саябағын салуға ықпал етемін;

– 2023-2024 жылдың соңына дейін саябақтың ішіне шағын футбол алаңының салынуына ықпал етемін;

– 2023-2024 жылы Балтабай ауылының орталығына балаларға арналған ойын алаңын және осы жылдың соңына дейін Балтабай ауылының 5 көшесін, Бірлік ауылының 2 көшесін, Ақтоғай ауылының 3 көшесін асфальттауға атсалысамын;

– 2023-2024 жылдар аралығында Бірлік ауылының Абай көшесі, Балтабай ауылының Көктем көшелеріне жарықтандыру жүргіземін;

– 2024-2027  жылдар аралығында Бірлік ауылының орталығына орта мектеп ғимаратын  салуға күш саламын;

– 2023-2024 жылдары Өрнек ауылының Тиранов көшесіндегі жарық желісін 3 фазалық желі етіп жасатамын.

– Пайдаланылмай жатқан егістік жер телімдері мен жайылымдық жерлерді халыққа қайтарамын.

Ауылдың бюджеті шектеулі болғандықтан, қосымша  инвестицияларды тарту жолдарын іздеу арқылы:

– Өрнек, Ақбастау және Еңбек ауылдарының 7 көшесі және 7 бұрылыс көшелеріне  жыл аяғына дейін тас қиыршық тас төсеу жұмыстарын жүргіземін;

– Бірлік ауылында сұйық бетон зауытын салдырамын. Оған 5 жұмыс орнымен қамтимын. Әрі округ тұрғындарына сұйық бетон қолжетімді болуға күшімді саламын.

– Өзім тұрған  ауылдағы жұртшылықтың әл-ауқатын жақсартуға;

– Ауыл тұрғындарының өмір сүру сапасын арттыру және қолайлы етуге үлесімді қосамын.

 

 

Оқылды 328 рет

Соңғы жаңалықтар

Шіл 05, 2024

ШОС

Шіл 05, 2024

ШОС

Шіл 05, 2024

ШОС

Шіл 05, 2024

ШОС

Шіл 05, 2024

Таза Қазақстан

Күнтiзбе

« Шілде 2024 »
Дс Сс Ср Бс Жм Сб. Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет