Сейсенбі, 15 Тамыз 2023 16:53

Сапалы мектеп, саналы білім – жарқын келешек кепілі

Жаңа оқу жылы қарсаңында ҚР Парламент Мәжілісінің депутаты Жанарбек Әшімжан, облыстық мәслихат төрағасы Талғат Байеділов ауданымызға арнайы келіп, ұстаздар қауымымен жүздесті. Салынып жатқан білім ошақтарын аралап, құрылыс барысымен танысты.

 

Саяжай маңындағы Рахат №1 орта мектептің ұстаздарымен жүздескен Жанарбек Әшімжан, Талғат Байеділов, «АМАNАТ» партиясы аудандық филиалының төрағасы Бағдат Рахимов, аудан әкімінің орынбасары Қуат Ақшабаев ұлағат иелерімен еркін форматта тілдесті.

Кезекпен сауалдарын жолдаған мұғалімдер бірінші кезекте саяжайға ауыл мәртебесін беріп, инфрақұрылым жүргізу мәселесін көтерді. Жанарбек Садықанұлының айтуынша, бұл мәселе Республика көлемінде көтеріліп, Мәжілісте қаралуда.

– Жасыратыны жоқ, бүгінде елді мекен маңындағы саяжай тұрғындарының саны күн санап артып келеді. Қаладан баспана алуға шамасы жетпеген азаматтар саяжайларға қоныстануда. Сондықтан саяжай мәселесін шешуге барымызды саламыз. Тұрғындарға жағдай жасалатын болады – дейді мәжілісмен.

Аудандық білім бөлімінің басшысы Жарқын Нұрланұлының айтуынша, балаларды тасымалдап оқытуға да осы саяжай мәртебесі кедергі келтіретін көрінеді. Себебі, заңда мектеп жоқ елді мекендерден балаларды тасымалдауға қаржы бөлінеді. Ал заң жүзінде саяжайларда елді мекен мәртебесі жоқ. Соған қарамастан білім бөлімі заңды белшесінен басып, саяжай балаларын білім ошақтарына тасымалдайды. Сол үшін заң қадағалушы органдар білім бөліміне айыппұл да салған.

Саяжайлықтардың мәселесіне құлақ асқан мәжілісмен бұл түйінді түйіткілді оңтайлы шешу жолдары қаралып жатқанын жеткізді.

Ұстаздармен еркін отыып тілдескен Жанарбек Садықанұлы саяжайдағы 900 орындық мектептің құрылысымен танысты. Мердігер мекеме «BAZIS CONSTRUCTION» ЖШС, тапсырыс беруші Болар Өтемұратов атындағы қор. Жалпы сомасы 7 млрд теңге болатын білім ошағы заман талабына сай құрал-жабдықтармен қамтамасыз етіледі. Осылай деген мердігер мекеменің өкілдері 2024 жылы жаңа оқу жылында құрылысты аяқтайтынын жеткізді.

Бүгінде №1 Рахат орта мектебіне оқушылар сыймай әлек. Оның үстіне 1500-ге жуық саяжайлық балалар Есік қаласына тасымалданады. Аталған мектеп пайдалануға берілсе, бірнеше мәселе оң шешімін таппақ.

Қазіргі таңда саяжай маңында заман талабына сай тағы бір білім ошағы бой көтеруде. Жалпы құны 5 млрд теңге болатын 1475 оқушыға арналған орта мектеп құрылысы жүргізілуде. Жеке инвестордың қаржысына салынып жатқан мектеп ағымдағы жылдың желтоқсан айында пайдалануға беріледі деп жоспарлануда. Құрылыс барысымен танысқан Жанарбек Әшімжан, Талғат Байеділов мердігер мекеме «Kapital construction» ЖШС-нің өкілдеріне құрылыс сапасына баса назар аударуды тапсырды. Өз кезегінде мердігер құрылыс барысында туындап жатқан қиыншыларды да айтып өтті. Сөзіне сүйенсек, ғимаратқа ауызсу, көгілдір отын тарту мен кәріз жүйесіне қосылу қиындық тудыруда. Су мен газды Есік қаласының төменгі жағынан алу керек. Аталған жұмыстарға қосымша 280 млн теңгеге жуық қаржы жұмсалады.

Сапар соңында мәжілісмен Есік қаласындағы 1500 орындық мектепке арнайы ат басын бұрды. Бүгінгі таңда оқу ордасының құрылыс жұмыстары аяқталған. Мердігер мекеме «BI Global» ЖШС-нің өкілдері жаңа оқу жылында пайдалануға берілетінін айтты. Ғимаратты аралап, асхана, спорт залы мен басқа да пәндерге арналған кабинеттерді аралаған Жанарбек Садықанұлы құрылыс сапасына дән риза болды. Заманауи құрал-жабдықтармен қамтамасыз етілген мектепте балалардың сапалы білім алуына барлық жағдай жасалған. Кең дәліз, жайлы асхана, жабдықталған кабинеттер, заманауи спортзал – барлығы балалар үшін жасалған. Білім бөлімі басшысының айтуынша, мектеп пайдалануға берілсе, Есік қаласындағы 3 ауысымда білім беретін мектептердің мәселесі толығымен шешіледі.

Алматы облысы құрылыс басқармасының тапсырысымен салынып жатқан білім ордасының құрылысына 5 млрд 700 млн теңгеден астам қаржы бөлінген.

Жаңа оқу жылы қарсаңында салынып жатқан мектептердің құрылыс барысымен танысқан мәжілісмен жергілікті әкімдікке аталған нысандардың және «Жайлы мектеп» жобасы аясында салынып жатқан мектептердің құрылыс сапасын қатаң бақылауда ұстауды тапсырды. Себебі, сапалы мектеп, саналы білім – жарқын келешектің кепілі.  

С.НҰРАДИН.

Оқылды 512 рет

Соңғы жаңалықтар

Нау 27, 2025

Халықтың 70%-ы еліміз дұрыс бағытта…

Халықтың 70%-ы еліміз дұрыс бағытта дамып жатыр деп есептейді – зерттеу Халық саяси және…
Нау 27, 2025

Более 70% опрошенных считают, что…

По результатам исследования Института защиты политики около 70% респондентов считают, что…
Нау 27, 2025

Бүгін 27-науырыз Ақиық Ақын…

Қайырлы таң,Қазақ елі! Бүгін 27-науырыз Ақиық АқынМұқағалидың өмірден озған күні.Желіні…
Нау 20, 2025

Как в Алматинской области обстоят…

В Алматинской области продолжается активная работа по обеспечению граждан жильем в рамках…
Нау 20, 2025

Алматы облысында тұрғын үй…

В Алматинской области продолжается активная работа по обеспечению граждан жильем в рамках…
Нау 20, 2025

Алматы облысында тұрғын үй…

Алматы облысында мемлекеттік бағдарламалар аясында азаматтарды баспанамен қамтамасыз ету…
Нау 20, 2025

Алматы облысында былтыр 6 мың…

Өңірде ауа температурасының жоғарылауына байланысты өткен аптада ғана құрғақ шөп пен…
Нау 20, 2025

Алматы облысы Еңбекшіқазақ ауданы …

Мен Абуханов Серік Егізбайұлы, 1985 жылы 28 маусымда Еңбекшіқазақ ауданы Қырбалтабай…
Нау 20, 2025

Алматы облысы Еңбекшіқазақ ауданы…

Мен Ілебаев Айбек Қасымханұлы, 1992 жылы 19 желтоқсанда Масақ ауылында дүниеге келдім.…

Күнтiзбе

« Наурыз 2025 »
Дс Сс Ср Бс Жм Сб. Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет