Аудан әкімі Алтай Досумбаев жаңа сайланған Қаракемер, Ақши, Балтабай ауылдық округтерінің әкімдерін өңір активтеріне
таныстырып, жұмыстарына сәттілік тіледі.
Жақында Қаракемер, Ақши, Балтабай ауылдық округтерінде әкім сайлауы өтті. Жергілікті тұрғындар саяси науқанға белсене қатысып, өз таңдауларын жасады. Нәтижесінде 72,43 пайыз дауыс жинаған Нұржан Ақанов Қаракемер ауылдық окру-гінің әкімі болды. Сондай-ақ, округ тұрғындарының 62,87 пайыз дауысын жинаған Ерлік Тамашаев Ақши ауылдық округінің, ал 52,81 пайыз дауыс алған Сәуле Алипова Балтабай ауылдық округінің әкімі қызметіне кірісті.
Елді мекендердің жұртшылығына сайлаудың қорытындысын жариялаған аудандық сайлау комиссиясының төр-ағасы Ержан Әмірденов жаңа әкім-дердің қызметтік куәліктерін табыста-ды. Аудандық мәслихат төрағасы Бекет Ахметов, аудан әкімі Алтай Досумбаев еліміздің тарихи жаңғыру кезеңінде өз міндетіне кіріскелі отырған округ әкімдерінің атқарар міндетінің жауаптылығын, олар қашан да жергі-лікті жұртшылықпен кеңесе отырып келелі іс атқару керектігін айтты. Ал ауыл ақсақалдары ақ бата беріп, жаңа сайланған елді мекен басшыларының жұмысына сәттілік тіледі. Өз кезегінде жаңа сайланған округ әкімдері өзде-ріне үміт артқан тұрғындардың сенімі-нен шығатынын айтып, елді мекеннің өркендеуі жолында аянбай тер төгетін-дерін жеткізді. Ерзат АСЫЛ.
