Құрметті Есік қаласының сайлаушылары!

Мен, Телтаев Ержан Берікұлы Алматы облысында туып-өстім. Қазақ Ұлттық Аграрлық Университетінің ветеринариялық медицина мамандығын тәмамдадым. Мемлекеттік қызметтегі еңбек өтілім 14 жыл.

Мемлекеттік қызметтегі еңбек жолымды Бәйдібек би ауылдық округі әкімі аппаратында бастадым. Қазіргі таңда аталған округте әкімнің орынбасарымын.

Аудан орталығында атқарылатын жұмыс аз емес. Тозығы жеткен әлеуметтік нысандарды қайта жаңғырту және жаңа ғимараттар салу, инфрақұрылым мәселесін дұрыс жолға қойып, тұрғындарды сапалы ауызсумен, тегіс жолдармен қамтамасыз ету, балалардың заман талабына сай сапалы білім алуына қолайлы жағдай жасау – менің бағдарламамның негізгі бағыты.

Менің Есік қаласын дамытудағы сайлауалды бағдарламам:

– Қаланың санитарлық тазалығын үнемі бақылауда ұстап, көгалдандыру мен абаттандыруға жұмыс жасау – менің сайлауалды бағдарламамның басты шарттары.

– Қаладағы кәсіпкерлермен тығыз байланыста болып, қаланың мәдени, қоғамдық жұмыстарына белсенді араласуларын ұйымдастырамын.

– Көпбалалы және жағдайы төмен отбасыларына әлеуметтік қолдау мен көмек көрсетілуіне белсенді түрде атсалысамын. Көшелерімізде, қоғамдық орындарда тәртіптің сақталуы мен жасөспірімдер арасындағы бұзықтықты болдырмауды, полиция қызметкерлерімен, ұстаздармен бірлесе жұмыс арқылы қамтамасыз етуге ықпал жасаймын.

– Жастар арасында жұмыссыздық деңгейін азайтуға, жастарға патриоттық тұрғыдан тәрбие беруге, оқу бітірген жастардың жұмысқа орналасуына ықпал ету, әлеуметтік жағынан аз қамтылған отбасыларға, көп балалы аналарға көмек көрсетемін.

– Тұрғындардың сапалы медициналық қызмет алуына ықпал етемін.

– Ұлттар арасындағы достықты, ұлтаралық келісімді басты назарда ұстау және жастарды рухани-патриоттыққа тәрбиелеуге күш саламын.

– Спортты жандандыру, саламатты өмір салтын ұстану жұмыстарын ұйымдастыруға және дамытуға күш-жігерімді жұмсаймын.

– Мемлекет басшысының ел экономикасын көтеру бағытындағы Жолдаулары мен бағдарламаларын барынша қолдап, тұрақты түрде жүзеге асыруға ықпал етемін.

– Шағын және орта бизнестің дамуына, осы салада жұмыс істейтін азаматтар санының артуына және кәсіпкерлердің мемлекет тарапынан берілетін көмектерге алаңсыз қол жеткізуіне жағдай жасаймын.

– Есік қаласының аумағындағы жолдардың сапасын жақсартуға, күрделі жөндеуден өткізу мақсатында қарқынды жұмыс жүргіземін.

– Құрылысы жүргізіліп жатқан топтық су құбырының сапасын қатаң бақылауға алып, тұрғындардың сапалы ауызсумен қаматамасыз етілуін қадағалаймын. 

– Аудан орталығында қарқынды жүргізіліп жатқан көшелерді жарықтандыруды жалғастырамын.

– Бүгінде Есікте демалыс орындары мен скверлердің саны артып келеді. Осы игі жұмыстардың жүйелі жалғасуына, балалар алаңдары мен воркаут алаңдардың бой көтеруіне ықпал етемін.