Құрметті Бөлек ауылдық округінің сайлаушылары!
Мен Қасымшалов Дулат Сәрсенбекұлы, 1990 жылдың 12 наурызында Алматы облысы, Еңбекшіқазақ ауданы, Шелек ауылында дүниеге келдім. 2007 жылы Әл-Фараби атындағы орта мектебін бітіріп, 2007-2011 жылдар аралығында Алматы қаласындағы Қазақ экономикалық университетінде «Мемлекеттік және жергілікті басқару» мамандығы бойынша білім алдым.
Еңбек жолымды 2015 жылы Ақши ауылдық округі әкімі аппаратының жетекші маманы болып бастадым. 2015-2017 жылдары Бәйтерек ауылдық округі әкімдігінің жетекші маманы, 2017-2020 жылдары аралығында аудан әкімдігінің кадр бөлімінің бас маманы, 2020-2021 жылдары Еңбекшіқазақ ауданы Бәйтерек ауылдық округі әкімінің орынбасары, 2021-2023 жылдары аудан әкімі аппаратының ұйымдастыру бөлімінің басшысы, 2023 жылдан осы уақытқа дейін аудан әкімі аппаратының бас инспекторы қызметін атқарып келемін.
Құрметті округ тұрғындары!
Алдағы уақытта ауыл тұрғындарымен бірлесе отырып ауылдың бүгінгі күн тәртібіндегі мәселелерін шешуге барлық мүмкіндіктерді пайдаланып жұмыс жасаймын. Мен болашақта ауылымыздың дамуына және халықтың әлеуметтік өмірін жақсарту үшін атсалысамын. Маған дауыс беріңіз, мен сайланған жағдайда, төменде баяндалған сайлауалды бағдарламаны жүзеге асыру үшін бар күш-жігерімді саламын!
Мені округ əкімі етіп сайласаңыздар, алдағы 4 жылда:
– Қазақстан Республикасының заңдарының, Қазақстан Республикасы Президенті мен Үкіметі актілерінің, орталық және жергілікті мемлекет органдарының нормативтік құқықтық актілерінің орындалуын жүзеге асыру үшін қызмет жасаймын;
– Бөлек ауылдық округінің көркеюіне, халықтың әл-ауқатын көтеру бағытында жұмыс жасап, әлеуметтік мәселелерді үнемі назарда ұстаймын;
– Ауыл шаруашылық теліміндегі жерлерді (егістік, шабындық, жайылым т.б) ұтымды пайдалануды, иесі бар игерілмей жатқан жерлермен, бос иесіз жерлерді игеріп айналымға қосуды ұйымдастырамын;
– Ауыл тұрғындарының таза сапалы ауызсумен қамтылуына;
– Бөлек ауылдық округінің көшелерін жөндеуден өткізу мен түнгі жарықтандыруға;
– Электр желілері мен бағаналарын ауыстыру жұмыстарына;
– Ауылымыздың абаттандыру жұмыстарын жандандыруға;
– М.Горький атындағы орта мектебін күрделі жөндеу жұмыстарынан өткізуге, жергілікті әкімдік және дәрігерлік амбулатория ғимараттарының;
– Жастардың тұрақты жұмысқа орналасуы мен мемлекеттік бағдарламаға белсенді қатысуын қамтамасыз етуге;
– Жастар – ел болашағы. Біз халқымыздың бай, рухани адами құндылықтарын өскелең ұрпаққа табыстауымыз керек. Бұл дамып келе жатқан әрбір қоғамның миссиясы. Сол себепті жастар саясатын қауқарлы жүзеге асыруға;
– Ауыл тұрғындарын еңбекпен қамтудың негізгі бір діңгегі – шағын және орта кәсіпкерлікті дамытуға және сол арқылы жаңа жұмыс орындарының ашылуына, жұмыссыздықты жоюға атсалысып, кәсіпкерлікті дамытуға;
– Еліміздегі саяси тұрақтылықтың, ұлтаралық және дінаралық келісімнің нығаюына;
– Сыбайлас жемқорлыққа қарсы мәденитті қалыптастыруға;
– Халықтың құқықтық жəне қаржылық сауаттылығын арттыруға;
– Тұрғындардың бұқаралық спортпен айналысуына жағдай жасау мақсатында округ аймағынан жасанды спорт алаңдарын салуға, сонымен қатар спорттық-бұқаралық іс шаралар мен жарыстар өткізуге үлесімді қосамын.
Мен əрқашан байланыстамын!
Тел / WhatsApp: + 7 747270 90 95
Құрметпен, Қасымшалов Дулат Сәрсенбекұлы.
Қиындықты еңсеріп, жеңіске бірге жетеміз!
