Елбасы «Болашаққа бағдар: рухани жаңғыру» атты бағдарламалық мақаласында «Туған жерге, оның мәдениеті мен  салт-дәстүрлеріне айрықша іңкәрлікпен атсалысу – шынайы патриотизмнің маңызды көріністерінің бірі» деген еді. Туған топырақты қастерлеу – қазақ халқы-ның ата-бабадан жалғасқан салты. «Туған жердей жер болмас, туған елдей ел болмас» деген дана халқымыз. Осы қағиданы ұстанған әр адам атамекен – алтын бесігін естен шығармай, оған өзін мәңгілік қарыздармын деп есептейтіні ақиқат. Елбасы мақаласынан бастау алған «Туған жер» бағдарламасы осыған үндейді. Осы орайда, туған өлкеміздің өркендеуіне өздігінен үлес қосып жүрген кәсіпкерлер де жоқ емес екені көңілді қуантады.

Қазақ «Туған жерге туыңды тік» деп бекер айтпаған. Патриотизм – кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады. Сол себепті, «Туған жер» бағдарламасы әр ауылда сапалы жүргізіліп, өскен өлкенің өр-кендеуін бір ізге түсірсек, құба-құп. Оның ауқымы ізінше кеңейіп, «Туған елге» ұласады. Сондықтан «Үдере көшкен уығын сындырады, жұмыла жұмыс істеген – жұмысын тындыра-ды» демекші, Елбасының ұтымды идеялары аясына бірігіп, өткенімізді жаңғыртып, ауданымыздың одан әрі гүлденуіне атсалысып, алдымызға қойған тарихи міндеттерді жұмыла жүзеге асыру баршамыз үшін – басты парызымыз.

Қ.Байғоджаев,

«Нұр Отан» партиясы

аудандық филиалы төрағасының

 бірінші орынбасары.