21 қазанда Акши ауылдық округінде «Nur Otan» партиясы Еңбекшіқазақ аудандық филиалының ұйымдастыруымен «Jas Otan» ЖҚ мүшелері мен аудандық мәдениет және өнер қызметкерлерінің Қазақстан Республикасының Президенті Қасым-Жомарт Кемелұлының «Жаңа жағдайдағы Қазақстан: іс-қимыл кезеңі» атты Қазақстан халқына Жолдауын талқылау мақсатында жиналыс өтті.
Жиналысқа «Nur Otan» партиясы филиалдарының жауапты қызметкерлері, Жұмыспен қамтуды үйлестіру және әлеуметтік бағдарламалар бөлімінің басшысы, аудандық мәдениет және өнер қызметкерлері қатысты.
Жиналыста желілік кесте аясында Қазақстан Республикасы Президентінің жолдауы бойынша «Jas Otan» ЖҚ мүшелері мен аудандық мәдениет және өнер қызметкерлері Президенттің елдің әлеуметтік-экономикалық дамуын әлеуметтік әділеттілік, тиімділік және бәсекеге қабілеттілік басымдықтарына негізделген сапалы жаңа вектор мен дамудың жаңа қағидаттарына шығару жөніндегі іс-қимылдың тұтас стратегиясын белгілегенддігін пайымдады. Соңында «Jas Otan» ЖҚ мүшелері мен аудандық мәдениет және өнер қызметкерлері жолдауда Қазақстанның тыныс-тіршілігінің негізгі салаларын реформалаудың барлық басты бағыттары бойынша нақты тапсырмалардың қамтылғандығын, өздерінің жолдау негізінде тың ізденістерге талпынатындығын білдірді.
Ерзат АСЫЛ
