ХХІ ғасырда Жаңа Қазақстанның дамыған, бәсекеге қабілетті және әлемде алар өз орны бар қауқарлы мемлекет болуы қазіргі жастардың қолында. Осынау асыл мұратқа жету үшін жастардың білімді, жан-жақты, алғыр да, ізденімпаз болуы – жастарға жүктелген негізгі міндет. Осы орайда жастарға қолдау көрсетіп, жастар саясатына ден қоюдың орны бөлек.

22 қазанда аудандық  мәслихат депутаттары жас мамандарды қолдау жөніндегі мемлекеттік бағдарламаларды талқылады. Талқылауға «Nur Otan» партиясы филиалдарының жауапты қызметкерлері мен «Jas Otan» ЖҚ мүшелері қатсты. Талқылуда жастар саясатын әзірлеудің жинақтылығы мен жүзеге асырылуы, ресурстардың топтасу бағдары сөз болды. Ел дамуының әлеуметтік-экономикалық өркендеудің негізгі міндетіне арналған жастар саясатына бағытталған әлеуметтік бағыттардың айқындалуы ой талқысына салынды. Бұл ретте, депутат Айбек Ілебаев: «Қазір ауданымызда жастар арасында жетістік пен патриоттыққа ынталандыру мақсатында әлеуметтік саты тетіктері іске қосылды. Бұл тетік еріктілік, мәслихаттардағы шешімдер қабылдау процесі мен мемлекеттік қызметке кіруге кең мүмкіндік береді,»  –   дейді.

Ерзат АСЫЛ