23 қазанда «Nur Otan» партиясы аудандық филиал төрағасының бірінші орынбасары Қуат Байғоджаев «Ават» бастауыш партия ұйымының мүшелерімен кездесіп, Мемлекет басшысы Қ.Тоқаевтың «Жаңа жағдайдағы Қазақстан: іс-қимыл кезеңі» Жолдауы бойынша түсіндіру жұмыстарын жүргізді.

– Баршамызға мәлім, Президент Жолдауы еліміздің дамуына жаңа серпін беріп, ертеңгі күннің бағыт-бағдарын айқындайды. Қасым-Жомарт Кемелұлы биылғы Жолдауында 11 бағытта атқарылатын нақты жұмыстарды бекітіп берді. Оның ішінде мемлекет басқарудың жаңа үлігісі, эконмикалық даму, аумақтық даму, азаматтардың әлеуметтік әл-ауқаты, сапалы білім, денсаулық сақтау, экология, цифрландыру, азаматтарды мемлекеттік басқаруға тарту және ұлттың жаңа болмысына тоқталып, осы бағыттарда Үкімет пен жергілікті атқарушы органдарға нақты тапсырмалар жүктеді. Бұл – еліміздің жарқын болашағы үшін жасалып жатқан жұмыстар. Оның орындалуына баршамыз атсалысуымыз керек – деген Қуат Сұлтанұлы іс-қимыл жоспарына тоқталып өтті.

Шара барысында бастауыш партия ұйымының мүшелері өздерінің пікірлерін білдіріп, ұсыныстарын жеткізді. Әсіресе, «халық үніне құлақ асатын мемлекет» құру мақсатында азаматтарды мемлекетті басқару ісіне араластыру – Қазақстанның дамуына жол ашатындығы айтылды.

С.НҰРАДИН