Бүгін аудандық «Nur Otan» партиясы төрағасының бірінші орынбасары Қуат Байғоджаев жеке мәселелер бойынша тұрғындарды қабылдады.

Қабылдауға келген азаматтардың негізгі бөлігі тұрғын үй кезегі және жұмыспен қамту мәселелері бойынша сұрақтарын қойды. Өз кезегінде Қуат Сұлтанұлы азаматтарды баспанамен қамту кезек бойынша жүзеге асатындығын айтты. Сонымен қатар, жұмыссыз азаматтарды жұмыспен қамту мақсатында ауданда «Жұмыспен қамтудың жол картасы», «Еңбек» бағдарламалары жұмыс жасап жатқандығын жеткізді. Еңбек етуге ниеттенген азаматтарға жұмыспен қамту орталығына құжаттарын өткізу бойынша кеңес берді.

Тіршілік нәрінің мәселесін көтерген Есік өңірінің тұрғындары да сұрақтарына тұшымды жауап алды. Аудан орталығына жапсарлас орналасқан ауылдарды сумен қамту Есік топтық су құбыры аясында жүзеге асатындығы айтылды. Ауқымды жобаның сметалық құжаттары әзірленген. Алдағы уақытта Есік қаласы мен оған жақын орналасқан елді мекендерге жаңа су жүйесі жүргізіледі.

С.НҰРАДИН