Бүгін «Nur Otan» партиясы кадрлық резервінің мүшелері Көктөбе ауылында болып, тұрғындармен кездесу өткізді. Негізгі мақсат – Мемлекет басшысының «Жаңа жағдайдағы Қазақстан: іс-қимыл кезеңі» Жолдауын түсіндіру.
Қазақстанды дамудың жаңа сатысына көтеретін бұл маңызды құжат халықтың әлеуетін арттыруда маңызды рөл атқарады. Сонымен қатар, экономикаға тың серпін беріп, мемлекеттік басқару жүйесін реттейді. Басқосуда іс-қимыл кезеңінің 11 бағыты бойынша баяндамалар оқылып, оның іске асыру жолдары түсіндірілді.
Шара соңында көктөбеліктер кадрлық резерв мүшелеріне Президент Жолдауы аясында және партиялық жобалар бойынша сұрақтар қойып, өзара пікір алмасты.
С.НҰРАДИН
