ҚР Парламенті Мәжілісінің мандаттары үшін сайлауға 6 саяси партия түсетін болды. Бұл туралы бүгін ҚР Орталық сайлау комиссиясының мүшесі Асылбек Смағұлов мәлімдеді.

«ҚР «Сайлау туралы» конституциялық заңының 12-бабы 2-1-тармақшасына сәйкес, Орталық сайлау комиссиясы саяси партияларды партиялық тізімдер бойынша сайланатын Парламент Мәжілісі депутаттарын және мәслихаттар депутаттарын сайлауға қатысуға жіберу туралы мәселені қарайды. ҚР «Сайлау туралы» конституциялық заңының 87-бабы 1-тармағына және 103-бабының 1-тармағына сәйкес партиялық тізімдер бойынша сайланатын Мәжіліс депутаттығына және мәслихаттар депутаттығына кандидаттар ұсыну құқығы белгіленген тәртіппен тіркелген саяси партияларға тиесілі», - деген Асылбек Смағұловтың айтуынша, Әділет министрлігі ұсынған ақпаратқа сәйкес, ҚР-да 6 саяси партия тіркеліп, жұмыс істеуде. Бүгінгі күні барлық саяси партиялар заңнама аясында жұмыс істейді.

«Оларды қайта құруға немесе таратуға уәкілетті органдар тарапынан құқықтық негіздер жоқ. Демек, Парламент Мәжілісі депутат Орталық сайлау комиссиясының мүшесі.

Мәжіліс сайлауына өткен саяси партиялар тізімі төмендегідей:

- «Ақ жол» Қазақстанның демократиялық партиясы» қоғамдық бірлестігі;

- «Ауыл» халықтық-демократиялық патриоттық партиясы» қоғамдық бірлестігі;

- «Бірлік» саяси партиясы« қоғамдық бірлестігі;

- «Жалпыұлттық социал-демократиялық партиясы» республикалық қоғамдық бірлестігі;

- «Қазақстанның коммунистік халық партиясы» қоғамдық бірлестігі;

- «Nur Otan» партиясы» қоғамдық бірлестігі сайлауға қатысады.