Бүгін Есік қаласындағы дене шынықтыру-сауықтыру кешенінде «Nur Otan» партиясы Еңбекшіқазақ аудандық филиалының кезектен тыс ХХІІ конференциясы өтті. Конференцияны аудандық партия филиалы төрағасының бірінші орынбасары Қуат Байғоджаев жүргізді.

Жиынға барлық деңгейдегі мәслихат депутаттары, бастауыш партия, партиялық топ ұйымдарының төрағалары, партия белсенділері, мекеме басшылары, этно-мәдени орталықтардың, үкіметтік емес ұйымдардың өкілдері, «Jas Otan» жастар қанатының белсенді мүшелері қатысты.

Алғашқы болып сөз кезегін алған аудан әкімі, «Nur Otan» партиясы аудандық филиалының төрағасы Қуанышбек Қашқымбаев партия филиалының сайлауалды бағдарламасын бекіту туралы баяндама жасады. Делегаттар аудандық мәслихатына жетекші партия атынан ұсынылатын үміткерлерге тізім бойынша дауыс берді. Алматы облыстық партия филиалының ХХІІ кезектен тыс Конференциясына 6 делегат сайланды. Күн тәртібіндегі соңғы мәселе бойынша Алматы облыстық мәслихатына және ҚР Парламент Мәжілісіне үміткерлерді сайлау негізінде пікірсайыс ұйымдастырылды. Кейіннен, делегаттар пікірсайысты қорытындылау үшін үміткерлерге праймериз электронды жүйесі арқылы дауыс беріп, үміткерлер анықталды.

С.НҰРАДИН