Бүгін «Nur Otan» партиясының партиялық бақылау комиссиясы әлеуметтік мекемелерді аралап, мүмкіндігі шектеулі жандардың жүріп-тұруына жағдай жасау бойынша мониторинг жүргізді.
«Кедергісіз келешек» партиялық жобасы аясында жүзеге асқан шара барысында бақылау комиссиясының мүшелері халыққа қызмет көрсету орталығы, денсаулық сақтау мекемелері мен әкімдік, мектеп ғимараттарының пандустарын тексеріп, көмек шақыратын қоңыраудың жұмыс жасап тұрғандығына көз жеткізді. Сонымен қатар мүгедектерге арналған автотұрақ мәселесі де назардан тыс қалмады.
Мониторинг барысында бақылау комиссиясы мемлекеттік мекемелердің барлығында дерлік мүмкіндігі шектеулі азаматтарға қолайлы жағдай жасалғандығына көз жеткізді. Пандустары талапқа сай келмейтін кейбір жеке меншік ғимарат иелеріне ұсыныс енгізіліп, түсіндіру жұмыстары жүргізілді.
С.Нұрадин
