«Nur Otan» партиясы аудандық филиалы төрағасының бірінші орынбасары Қуат Байғоджаев бүгін денсаулық сақтау саласының қызметкерлерімен кездесіп, Мемлекет басшысының биылғы Жолдауын талқылады.

Тұрғындарды әбігерге салған коронавирус індеті кезінде қауіпті дертпен күресте алдыңғы шепте жүрген ақ халаттыларға Қуат Сұлтанұлы: «Әлемді жайлаған індет елімізді де айналып өтпеді. Осындай қиын кезеңде өз бастарыңызды қатерге тігіп, елдің саулығы үшін күрескен сіздердің еңбектеріңіз ұшан-теңіз. Сын сағатта өздеріңіздің кәсіби маман екендіктеріңізді дәлелдеп, індеттің бетін қайтаруда жетекші рөл атқардыңыздар», – деп алғысын жеткізді.

Шара барысында Президент Қ.Тоқаевтың «Жаңа жағдайдағы Қазақстан: іс-қимыл кезеңі» атты Жолдауын түсіндіріп, ақ халатты абзал жандармен пікір алмасты.

С.НҰРАДИН