Бүгін «Nur Otan» партиясы жанындағы сыбайлас жемқорлыққа қарсы қоғамдық кеңес мүшелері «Білім беру мекемелеріндегі ҚР мемлекеттік рәміздерін қолдану» тақырыбында онлайн отырыс өткізді.

Жиын барысында кеңес мүшесі Бағдат Рахимов егемендіктің айғағы болған рәміздерді құрметтеп, қастерлеу – әрбір азаматтың қасиетті борышы екенін жеткізді. Сонымен қатар мекемелердегі мемлекеттік рәміздердің орналасу тәртібін түсіндірді. Айтуынша, білім беру ұйымдарының кіреберісінде Ту талапқа сай ілінуі қажет және оған түн мезгілінде жарық түсірілуі міндетті, тазалығын да қадағалау керек. Бірінші басшының бөлмесінде Ту сол жағында, Елтаңба дәл ортасында Тудың биіктігімен бір деңгейде ілінеді. Ал кабинеттердегі және дәліздегі стендтерде рәміздер ұлттық стандартқа сай қойылуы қажет.

С.НҰРАДИН