Бүгін аудандық мәслихат депутаты Жұлдыз Әбдіқадырова Сөгеті ауылдық округіне қарасты Нұра ауылының тұрғындарымен онлайн кездесу өткізіп, «Халыққа көмек» партиялық жобасы аясында елді мекеннің өзекті мәселелерін талқылады.

Елбасының тікелей бастамасымен қолға алынған партиялық жоба тұрғындардың әлеуметтік мәселелерін шешуге бағытталған. Осы мақсатта өткен шара барысында нұралықтар халық қалаулысына түйіні тарқатылмай тұрған мәселелерді жеткізді. Сонымен қатар, ауылдағы ауыз су мәселесін айтып, шағымданды. Өз кезегінде Жұлдыз Әбдіқадырова аталған мәселе бойынша аудандық тұрғын үй-коммуналдық шаруашылық және тұрғын үй инспекциясы бөліміне депутаттық сауал жолдап, шешу жолдарын қарастыратындығын айтты.

С.НҰРАДИН