Бүгін аудандық мәслихат депутаты Қайнар Жұмағожа «Nur Otan» партиясының «Бақытты отбасы» партиялық жобасы аясында көпбалалы аналармен кездесті.
Бірнеше баланы дүниеге әкеліп, оларды асырап қана қоймай, саналы тәрбие беріп, отбасының ұйытқысы болып отырған алтын құрсақты аналарға алғысын білдірді мәслихат депутаты. Сонымен қатар, көпбалалы аналарға ҚР заңдары аясында берілетін әлеуметтік көмек пен жеңілдіктер бойынша кеңес берді. Үйде отырып, мемлекеттің қолдауымен кәсіпкерлікпен айналысуға мүмкіндік бар екендігі айтылды. Жұмыссыздарды жұмыспен қамту мәселесі бойынша да сұрақтарға жауап берді. Бұл мәселе аудандық жұмыспен қамту орталығы арқылы шешілетіндігін жеткізді.
– Қазақ халқы ежелден бала тәрбиесі мен оның күтіміне ерекше көңіл бөліп, асқан жауапкершілікпен қараған. Сол дәстүріміз жалғасын тауып, осындай аналарымыз бір қолымен бесікті, екінші қолымен әлемді тербетіп отыр. Аналар бала тәрбиесімен емес, ұрпақ, ұлт тәрбиесімен айналысуда десек, артық айтпаған болар едік, – деді Қайнар Жұмағожа.
С.НҰРАДИН
