«Nur Otan» партиясының «Кедергісіз келешек» жобасы мүмкіндігі шектеулі азаматтардың құқығын қорғап, оларға жағдай жасауды жүзеге асырады. Сонымен қатар мүмкіндігі шектеулі балалардың да сапалы әрі кедергісіз білім алуын қамтамасыз етеді.
Аталған жоба аясында бүгін аудандық мәслихат депутаты Қуат Байғоджаев білім саласының қызметкерлерімен кездесу өткізіп, ауданымыздағы инклюзивті білім беруді дамыту мәселесін талқылады.
– Тағдыр тауқіметін тартқан балаларымыз басқа оқушыларымен тең дәрежеде білім алуы тиіс. Олар да – толыққанды мүшесі, басқалармен тең құқылы. Сондықтан да аудандағы білім ошақтарында мүмкіндігі шектеулі азаматтарға барлық жағдай жасалған. Пандус, көмекке шақыру тетігі, арнайы тұрақтар. Сонымен қатар мектепке баруға мүмкіндігі жоқ оқушылар үйден оқытылады – деп, аудан аумағында оқушыларға жасалып жатқан жағдайды баяндады.
Білім саласының қызметкерлері де өздерінің ой-пікірлерін жеткізіп, ұсыныстарын айтты.
С.НҰРАДИН
