Маусымның үшінші жексенбісі – Медицина қызметкерлерінің күні
Ауданның бас дәрігері Болат БАЛАҚОЙШИЕВ:
Қоғамның басты байлығын бақылау – міндетіміз
Осы жыл басынан бері ауданымыздағы денсаулық сақтау саласына мемлекеттен 2 млрд теңгеден астам қаржы бөлінген. Бұл бірінші байлық сақшыларына жасалған қамқорлық емес пе. Яки, өңіріміздегі 83 емдеу мекемесі, ондағы 300 дәрігер, 1242 орта буынды және 552 кіші буынды медицина қызметкерлері мемлекет қамқорлығында деген сөз. Олардың міндеті – ауданымыздың 300 мыңға жуық тұрғынына сапалы қызмет көрсету. Төл мерекелері қарсаңында ауданның бас дәрігері Болат Балақойшиевпен сұхбаттасқан едік...
– Құрметті Болат Рысбайұлы, мемлекет қамқорлығын жоғарыда атап өттік. Аудан дәрігерлерінің қамқорлыққа қайтарымы қалай?
– Иә, осы жылдың 5 айында ауданның денсаулық сақтау саласында бірқатар жұмыстар атқарылды. «Денсаулық» мемлекеттік бағдарламасына сәйкес аудан тұрғындарын скринингтік тексеру жұмыстары жалғасуда. Осы тәсілмен бүгінгі таңда қан тамырлар ауруына 11911 адам қаралып, ішінен 330 науқас, қант диабетіне 12173 адамның 37-сі, көкірек безі ісік ауруына 2128 әйелдің 54-і, глаукома ауруына 13192 адам қаралып, оның 5-еуінің науқас екені анықталды. Бүгінгі күні осы бағдарламаға байланысты сапалы және қолжетімді тегін медициналық көмек көрсету мақсатында шалғай ауылдарда жылжымалы медициналық кешен жұмыс жасауда. Бұл кешеннің құрамында жоғарғы білікті дәрігерлер: терапевт, көз дәрігері, лор, хирург, узи дәрігері, стоматолог, гинеколог, ЭКГ, көз қысымын өлшейтін қондырғы, УЗИ, рентген қондырғылары аудан тұрғындарына қызмет көрсетуде. Қазіргі таңда 15 ауылды аралап, шамамен 7000-ға жуық адам скринигтік тексеруден өтті. Осы ретте қатерлі ісіктен өлім көрсеткіші 5 айдың қорытындысы бойынша 40,2-ден 30,7-ге азайып отырғанын мақтанышпен атауға болады.
– Бүгінде материалдық-техника-лық базаларыңыздың жағдайы нендей?
– Материалдық базаны жақсартуда біраз жұмыстар жүргізілуде. Атап айтатын болсақ, 160 млн 200 мың теңгеге Алмалы ауылында күніне 50 адам қабылдайтын дәрігерлік амбулатория және 67 млн 700 мың теңгеге Алға ауылында күніне 20 адам қабылдайтын фельдшерлік-акушерлік пункттің құрылыс жұмыстары аяқталуда. Аталған ғимараттар ағымдағы жылдың 3 тоқсанында іске қосылады деп жоспарлануда. Бүгінде 274 млн 600 мың теңгеге медициналық құрал-жабдықтар мен саймандар алдық.
– Бұл тұрғыда түйткілдер де бар шығар?
– Әрине, жұмыс бар жерде мәселелер де болады. Кейбір елді-мекендерде амбулаториялар немесе фельдшерлік пункттер ғимаратының жоқтығынан түйткілдер орын алуда. Айталық, Төле би, Достық, Ақбастау, Жаңашар, Балтабай және Нұрлы ауылдарына дәрігерлік амбулаториялар, Сазы, Сатай, Көкпек, Екпінді, Ақжар, Шалқар, Лавар, Торғайбаз, Сартау, Қайрат, Таутүрген, Казатком, Амангелді және Майское ауылдарына фельдшерлік пункт ғимараттары керек. Сонымен қатар, Есік қаласының саяжайына болашақта дәрігерлік амбулатория салу да қажет.
– Алдағы уақытта қай елді-мекендерге амбулаториялар салынуы бірінші кезекте тұр?
– 2020 жылға дейін Қорам, Жаңашар, Көктөбе, Ащысай, Достық, Ақбастау, Қызылшарық және Балтабай ауылдарына күніне 50 адам қабылдайтын жаңа дәрігерлік амбулаториялардың құрылысына облыстық денсаулық сақтау басқармасына тапсырыс бердік. Бұйыртса, шешімі табылады деген үміттеміз.
– Мамандар тапшылығы сезіліп отырғанын білеміз. Алайда, шешімі қандай болмақ?
– Иә, өз кәсібін тыңғылықты білетін білікті мамандар қай кезде де тапшы болған. Сондықтан жас мамандарды жұмысқа тарту мақсатында Алматы қаласында Қазақ ұлттық медицина университетінде жуырда өткен «Бос орын жәрмеңкесі» жиынында шамамен 26 жас маман біздің ауданда жұмыс істеуге ниет білдірді. Оның 5-еуіне қазіргі таңда медицина университетімен орталық аурухана арасында жұмысқа орналастыру келісім-шартына қол қойылып, тиісті құжаттары әзірленуде
– Әр сәби баянды болашағымыздың жарқын жалғасы. Бұл ретте Сіздердің яғни, аудан дәрігерлерінің жауапкершілігі атанға артарлық жүк екені айқын ғой?
– Иә, шарана жатырға біткен күннен бастап оның дамуына, аман-есен жарық дүниеге келуіне ең бірінші ана, екіншіден дәрігерлер жауапты. Осы ретте туу көрсеткіші 2016 жылдың 5 айымен салыстырғанда 2167-ден 2391-ге немесе 9,3% көбейіп отыр. Ана өлімі тіркелмеді.
– Кәсіби мерекелеріңіз қарсаңында әріптестеріңізге лебізіңіз...
– Тоқтаған жүректі қайта соқтырып, үміт сәулесін сыйлайтын жауапты жұмыстарыңызға сәттілік тілеймін. Әрдайым сенім биігінен көрініп, емделушілеріңіздің ақ алғысын арқалап жүріңіздер! Мерекелеріңіз құтты болсын!
– Әңгімеңізге рахмет! Мерейлі мерекелеріңізбен, Ақ халатты Абзал жандар!
Әңгімелескен
Қайнар ЖҰМАҒОЖА.
Тұрақты комиссиялардың біріккен көшпелі отырысынан
6 шақырылған мәслихат депутаттарының кезекті біріккен комиссия отырысы Шелек ауылы әкімдігінің мәжіліс залында өтті. Күн тәртібінде төрт мәселе: «Дипломмен ауылға» бағдарламасының жүзеге асырылуы, осы бағытта бөлінген қаражаттың нысаналы игерілуі және ауданымыздың 2017-2019 жылдарға арналған бюджеті туралы аудандық мәслихаттың 2016 жылғы 21 желтоқсандағы №11-1 шешіміне өзгерістер енгізу. Бұл бағыт бойынша экономика және бюджеттік жоспарлау бөлімінің басшысы Ермек Жәкеев есеп берді. Ал аудандық жұмыспен қамту орталығының атқарған жұмыстары аясында орталық басшысы Самат Буянбаев мінберге көтерілсе, ауданның экономикалық саласын дамыту үшін инвестиция тарту мен мемлекеттік бағдарлама аясында несиеге қолжетімділігін арттыру бағытындағы жұмыстар туралы кәсіпкерлік бөлімінің басшысы Нұрболат Серғали есебі тыңдалды. Жиынды аудандық мәслихат хатшысы Бекет Ахметов жүргізіп отырды.
«Бұл ән бұрынғы әннен өзгерек» демеп пе еді Шәкәрім. Сол секілді бұл жиын да бұрынғыдан басқаша. Олай деуге негіз бар: аудандағы бө-лім басшылары, Шелек өңірі бойын-ша қоғамдық кеңес мүшелері де залдан толық орын алды. Сондай-ақ, 11 ауылдың әкімі де есеп беріп, түйткілдерін таразылады.
Сонымен отырыста «Сен тимесең, мен тиме» жоқ. Алғашқы мәселе бойынша Ермек Ильянұлына сұрақтар толассыз қойылды. Оның ішінде бюджетке енгізілетін өзгерістер жайында Бекет Төлегенұлы: – Асы округінің электр жүйесін жаңғыртуға бөлінген 175 млн теңгені қайтарып отырмыз. Неге? Себебі, жобалау-сметалық құжаттамасының уақыты өтіп кеткен. Осындай олқылыққа кім жауапты? Әрине, аудандық тұрғын үй-коммуналдық шаруашылық бөлімі. Енді міне, кадрлар кесірінен тұрғындар жапа шегуде. Қаншама үй жарықсыз отыр – деді. Алайда, бұған жауап беретін бөлім басшысы Дәурен Мәлібеков болмады. Белгілі себептермен сұранып кеткен. Ендігі кезекте Ермек Жәкеевке берілген қаражаттың сапалы игерілуіне бақылау жүргізу тапсырылды.
Сонымен кезек Нұрболат Серғалиге берілді. Ауданға инвестиция тарту мәселесі жөнінде толыққанды жазылған баяндамасын оқыды. Алдағы уақытта да бұл бағытта жұмысты күшейту керектігі айтылды депутаттар тарапынан.
Ал Самат Буянбаев «Нәтижелі жұмыспен қамту және жаппай кәсіпкерлікті дамыту» бағдарлама-сы шеңберінде биылдың өзінде 1200-ге жуық азамат жұмыспен қамтылғанын, бағдарламаның екін-ші бағыты бойынша кәсіп ашуға ниеттілер саны артқанын сөз етті. Алайда, ауылдағы тұрғындарға бағдарлама шеңберінде нақты түсіндіру жұмыстары әлі де жеткіліксіз екенін ашып айтты депутаттар. Осы бағыт бойынша жұмыстарды жетілдіру тапсырылды.
Кейіннен округ тұрғындары-ның да есептері тыңдалып, бірқатар сын-ескертпелер нақты «адрестерге» жолданды. Атап өтсек, Тескенсу ауылында жыл басынан мал ұрлығы көбейген. Бүгінге дейін 7 факт тіркелген, салдарынан 50-ден астам бас қолды болған. Бұл турасында жергілікті полиция қызметінің басшысы Айдос Жүнісовке ескертіліп, жұмысты күшейту тапсырылды. Ал Шелек ауылында күні кеше біткен жаңа балабақшаның төбесінен су ағып тұрғандығын ашына айтты Бекет Төлегенұлы. Сонымен қатар: – Біз екі күнде он бір округті аралап шықтық. Тұрғындармен кездестік. Өтініштерін тыңдадық. Әлі де түйіні тарқамаған түйткілдер жетерлік. Айталық, аудан мектептерінің материалдық-техникалық базасы-ның 12 пайызы ғана талапқа сай. 30-дан астам білім ошақтарына күрделі жөндеу жүргізу керек. Қаражота ауылындағы су құбыры «Шелек су құбыры» мекемесіне берілгенімен әлі күнге тіршілік нәрі тұрғындарға жетпеген – деді мәслихат хатшысы. Әрі Шелек өңірі бойынша суармалы су мәселесінің жағдайы тұрғындарға әлі толыққанды түсіндірілмегендігін айтып, мінберге ҮАК басшысы Мұрат Жұмашевті шақырды. Ол өз кезегінде көпшілік алдында мәселенің мән-жайын айтып берді. Тұрғындар сұрағына тіл қатты.
Жиын соңында аудандық мәслихат депутаты «Нұр Отан» партиясы аудандық филиалы төрағасының бірінші орынбасары Қуат Байғоджаев:
– Ардақты әріптестер, құрметті көпшілік, бүгін айтылған сөздер осында қалмасын. Әркім осы мәселелерді тұрғындарға барынша жеткізуі тиіс. Осында отырған әрбір азамат өзіне артылған жауапкер-шілікті сезінсе ғана тұрғындарға дұрыс түсінік барады, – деді.
Иә, мәслихаттағы ашықтық, депутат пен тұрғындар арасындағы тығыз байланыс, көшпелі комиссия отырыстары... бәр-бәрі үлкен ізденіс пен толымды тәжірибенің тоғысуынан туындаған тың өзгерістер екеніне тағы бір мәрте көзіміз жетті осы жолы.
Қайнар ЖҰМАҒОЖА.
Жители Есика и района задают нам вопрос – почему возле районного акимата идет вырубка деревьев, украшавших территорию памятника «Алтын Адам», какая причина так радикально менять облик районного административного центра? Особое сожаление у них вызывает то, что под пилу попали тян-шанские ели, десятки лет служившие «визитной карточкой» райакимата…
За разъяснениями газета обратилась к руководителю районного отдела ЖКХ и ЖИ Даурену Малибекову. Он сообщил следующее:
На основании заключения РГП «Госэкспертиза» № 18-06002/15 от 23.07 2015 года составлен акт вырубки и переноса хвойных деревьев в количестве 31 штуки, подписанный мною, руководителем районного отдела архитектуры и градостроительства С.Молдакасымовым, акимом г.Есика Б.Бименовым, экологом района М.Тюлебаевым, директором ТОО «А-А Строительная компания» А.Момба-евым, директором озеленительного предприятия КХ «Агора» Ф.Исмаиловой, директором Тургенского филиала Иле-Алатауского ГНПП Ж.Жылкыбековым, авторским надзором за благоустройством прилегающей территории акимата в лице Т.Даркенбаева. Такая необходимость связана с тем, что территория районного акимата давно нуждается в благоустройстве. Ели, высаженные еще в 70-х годах прошлого века, исчерпали свой ресурс, началась их деформация, высыхание ветвей, поэтому было решено их убрать. В соответствии с проектом ТОО «Архсервис сәулет», площадь, прилегающая к райакимату, будет выложена брусчаткой, здесь установят скамейки, разобьют новую парковую зону. Подрядчиком работ является ТОО «А-А Строительная компания». Акимат – «лицо» крупнейшего в республике района в котором проживает свыше 300 тысяч человек. Вряд ли кто-то против, чтобы оно выглядело достойно.
От редакции. Претензии по поводу вырубки деревьев в Есике звучат не в первый раз. Сколько шуму было вокруг обновления городского парка! Однако даже самые придирчивые критики теперь соглашаются с тем, что парк наконец-то приобрел цивилизованный вид, стал настоящим центром культуры и досуга горожан, местом, где не стыдно проводить городские и районные мероприятия, отмечать государственные и народные праздники.
Основательной реконструкции также подвергнется территория есикского Дома культуры. Подготовлено заключение РГП «Госэкспертиза» № 18-0775/15 от 21.09 2015 года и рабочий проект ТОО «Архсфера». В соответствии с ними подписан акт о вырубке и переносе деревьев. Подрядчиком ТОО «Стройиндустрия» (директор С.Ахман) также будет произведена вырубка и корчевка зеленых насаждений с последующей разбивкой парковой зоны. Деревья, которые можно сохранить, пойдут на озеленение территории новой школы, строящейся в районе Есикских дач.
Қадірменді замандас, білімді де білікті азамат атану адам бойында сирек кездесетін асыл қасиеттер. Олар еліне сіңген ерекше еңбегімен бағаланбақ. Жайшылықтағы сыпайылық, мәдениеттілік, кішіпейіл бауырмалдығы
басым азаматтың қызметте темірдей тәртіпті талап етуін, жауапкершілігі зор басшылығын көріп сегіз қырлы, бір сырлы деп қорытындыға келесің. Сыйласу соңғы сырласуға ұласып,
бұл ойыңның дұрыстығы дәлелденеді.
өп арасынан ерекше көрінетін сол азаматтардың бірі – аудандық, облыстық ішкі істер бөлімімен дараланған полиция генерал – майоры Асыл-Кеней Сағынжан Байболов.
Жетпіс жастық ғұмырын енді тізгіндеген Сағынжан Еңбекшіқазақ ауданындағы «Көктөбе» кеңшарына қарасты кешегі «Совет» ауылында 1947 жылдың көктемінде кіндік қаны тамған. Осы ауданның «Жаңашар» орта мектебін бітірісімен әскерлік міндетін өтеуге аттанады. Ол КСРО ішкі істер министрлігінің Алматыдағы арнаулы милиция мектебінің заң факультетіне 1969 жылы оқуға түседі. Жас офицер өз білімін толықтыру үшін 1979 жылы Ленинградтағы заң инс-титутын, 1997 жылы КСРО ішкі істер министрлігі Академиясын аяқтайды.
Оқығаны, көңілге тоқығаны көп Сағынжан өмір баспалдағы атанған еңбек жолын облысымыздағы Қарасай (бұрынғы Қаскелен) ауданында қатардағы қарапайым учаскелік инспектордан бас-тайды. Өжет, өткір жас іскер қағылез қабілетімен ішкі істер бөлімі бастығының орынбасары, одан кейін басшысы болып жоғарылайды. Басшыға жұмыс ауыр, жауапкершілік зор. Алматының іргесіндегі көп ұлтты ауданда сапырылысқан халық. Соған сай ірілі-ұсақты қылмыс та жетерлік. Бәріне сын көзбен қарау, заңды тергеу әрі орнықты анықтау нәтижесінде ауданда тәртіп түзеледі, қылмыс азаяды. Облыс көлемінде алдыңғы орынға көтерілген басшыны облысымызда жаңадан ұйымдасқан Күрті ауданының ішкі істер бөлімін басқару тапсырылады. Жаңа ауданға Нүсіпжан Нұрманбетов әкім болып тағайындалған екен. Басқару қабілеті толысқан аудан әкімімен қызмет істеу қиынға соқпады. Көп мәселені бірлесе, ақылдаса отырып оңды шешімін тапқаны. Жаңа ауданда жаңаша бастама жетерлік. Заң талабын қатал ұстау, мәселені әділ шешу Сағынжанда ежелден қалыптасқан қасиет. Еңбегі жанданып мұнда абыройға бөленеді. Алматыға іргелес Қарасай мен Күрті ауданында 1971-1984 жылдар аралығында өткен он үш жыл айтуға оңай болғанымен қызығынан да қиындығы басым келді. Есесіне шыңдалды. Жинақталған озық тәжірибе абыроймен атаққа да бөлеген. Республика басшылары енді оны облысқа көтеруге назарға алады.
Асыл-Кеней Сағынжан Байболовтың 1993 жылдан Алматы, Талдықорған, Жамбыл облыстарының ішкі істер департаментін басқарған күрделі кезең өзінше бір таусылмас тарихи әңгіме. Оңтүстік Қазақстан өңіріндегі бұл облыстар республика көлеміндегі ең ірі аймақ. Облыстық ішкі істер департаментін іскерлікпен басқарған полиция генерал-майоры мұнда да күрделі міндетін абыроймен атқарып, сенімнен шыға білді.
Сағынжанды 2000 жылы Қазақстан Республикасы Президентінің ұсынысымен ҚР ішкі істер Министрлігінің жедел шара кадрларын дайындайтын оқу орнына бастық етіп жібереді. Бір жылдан кейін ТМД елдеріне қатысушы мемлекеттер Бас Үкіметінің шешімі бойынша Тәуелсіз Мемлекеттер Достастығының террорға қарсы орталық басқармасының бірінші орынбасары болып, оны да абыроймен атқарады.Осындай көп жылғы еңбегі бағаланып, 2003 жылы ҚР Ішкі Істер Министрінің орынбасары қызметіне теңестірілген қызметте жүріп, құрметті еңбек демалысына шығып, зейнеткер атанған.
Генерал дәрежесіне жеткен М.Үрімханов, С.Күдебаев, А.Оспанов, Г.Өтебаевтар, полковник А.Қарабеков, У.Өмірбек, Ж.Дүйсенбаев, А.Мұқажанов-тар осы Сағынжанның тәлім-тәрбиесінен қанаттанған өзара тәжірибе алмасқан әріптес шәкірттері. Майор С.Дәулетияров, А.Алтынбеков, Т.Бөкенбаевтар, М.Уайсов-тар да ішкі істер бөлімінен еңбек зейнетіне шыққан ардагерлер. Аудандағы Ильян Жакеев, Абыхан Жексенбеков, Балқия Мырзаханова сынды жерлестері, Қалимолда Байболовтай жора-жолдастары да жетерлік.
Полиция генерал-майоры Асыл-Кеней Сағынжан Байболовтың 60 жылдық торқалы тойын республикамыздағы өзі қызмет істеген облыстар мен аудандар асқақтата атап өткен-ді. Ішкі істер басқар-масының ардагері еңбек зейнетіне шықса да қоғамдық жұмысынан әлі де қол үзген емес. Ол бүгінде облыстық ішкі істер департаменті ардагерлерінің төрағасы. Жұбайы Сабирамен Асылжан мен Ерасыл секілді ұлдар өсіріп, Ләйлә атты қыз тәрбиелеген ардагер ата-ана.
Мансабы, атақ-дәрежесі жоғары болғанымен адамгершілігі, кішілігі мен кісілігі басым азамат өзінің жолын қуған талай жоғары лауазымды ізбасарларды тәрбиелеп, оларға ардагер ұстаз атануда.
Нұрсадық Сарғожаев.
Еңбекшіқазақ, Талғар аудандарының
Құрметті азаматы.
Президент Казахстана Нурсултан Назарбаев обращает внимание на то, что в республике приоритетным вопросом остается импортозамещение в обеспечении основными продуктами питания, в том числе овощами и фруктами.
– Құрметті Сейітхан Есенбайұлы, Елбасының бұл мақаласы жөнінде өзіндік пікіріңіз...
– Тарих қойнауына енген Тәуелсіздікке дейінгі 70 жыл ішінде шыны керек, ұлттық санамыз шытынап, мәуелі мәдениетіміз мүжіліп үлгергені ақиқат. Оған кінәліні кеңестік идеологиядан көргенімізбен, өткен өтті. Ол да қатпар тарих қойнауына қазақ қоғамының зілді жылдары болып еніп кетті. Ал сол Тәуелсіздікке биыл міне, 26-шы жыл десек, осы уақыт аралығында Елбасымыз өзінің биылғы «Қазақстанның үшінші жаңғыруы: жаһандық бәсекеге қабілеттілік» атты Жолдауында атағандай екі белесті аттадық. Оның бірі – сонау 1991-де Тәуелсіздігімізді алғанымыз болса, екіншісі, «Қазақстан-2030» стратегиясын мерзімінен бұрын сапалы орындағанымыз. Бұл зор жетістік. Ендігі асуымыз – «Қазақстан-2050», яғни, әлем бойынша үздік дамыған 30 елдің қатарынан орын алу. Көшбасшымыздың тілімен айтқанда бұл – Қазақстанның үшінші жаңғыруы. Дегенмен, әлеуметтік-экономикалық өсім елімізде қарқынды көрініс бергенімен, рухани тұрғыда тұмшаланып тұрғанымызды Көшбасшымыз ұғынды. Сөйтіп, рухани жаңғыруға жол ашты. Бұл – ісімізден ой-санамыз озып жүруін талап етеді. Сон-дықтан мақала шыққан күні егемендігіміздің тағы бір белесі қол созғандай қуандық.
«...Қариялар не деген керім еді,
Бабалардың баласы қариялар,
Сиреп бара жатқандай көрінеді». Арқалы ақындардың жырына арқау болған осынау қарттарымыз күн санап азайып бара жатқаны рас. Әсіресе, Отан үшін от кешкен майдангерлеріміздің саны ауданымыз бойынша саусақпен санарлық қана. Бүгінде көзі тірі 14-і ғана қалды. Ұлы жеңіс күніне орай осындай замана батырларына «Нұр Отан» партиясы төрағасының бірінші орынбасары Мұхтар Құл-Мұхаммедтің, Алматы облысының әкімі Амандық Баталовтың, Еңбекшіқазақ ауданының әкімі Бинәлі Ысқақтың жүрекжарды құттықтауларын жеткізді. Ел ағаларының құттықтаулары мен материалдық көмектерін «Нұр Отан» партиясы Еңбекшіқазақ аудандық филиалы төрағасының бірінші орынбасары Қуат Байғоджаев, аудандық ардагерлер кеңесінің төрағасы Тілеулес Ұзақов әрбір ардагердің үйіне барып, салтанатпен табыс етті мереке қарсаңында.
Талай боздақты қыршынынан қиып, ананы баласынан, баланы асқар тау әкесінен айырған сұм соғыстағы жеңіске биыл 72 жыл. Сонау отты жылдары майданда етігімен су кешкен, елі үшін қан төккен батырларымыздың ерлігі еш ұмытылған емес. Қатары сиреп бара жатқан арамыздағы ардагерлерге 9 мамыр күні Есік қаласында құрмет көрсетілді. Қала орталығындағы Ұлы Отан соғысы боздақтарына, ардагерлеріне арналған ескерткіш маңында мерекелік концерт ұйымдастырылды.
«Туған жерін сүйе алмаған,
Сүйе алар ма туған елін». Елбасы өзінің «Болашаққа бағдар: рухани жаңғыру» атты мақаласында «Ауылым – әнім» атты әннің осы жолдарын ұтымды келтірген еді. Расында, бауырында еңбектеп, қаз басқан қасиетті мекеніне тәу етпеген жаннан жақсылық күту, әй қиын-ақ. Сондықтан Көшбасшымыздың осы идеясын әдеттегідей республикамызда аудан азаматтары алғаш боп қолдады. Сөзбен емес, іспен. Ащыбұлақтық «Амал БИО» Астана Фрутс компаниясының директоры Асқар Сабиров сол ауылдың орталық саябағын гүлдендіру жұмыстарын бастап кетті. Сонау тоқырау заманында тоз-тозы шыққан 1,2 гектар аумақ енді тұрғындардың басын біріктірер саялы баққа айналмақ. Кәсіпкердің алғашқы қадамын құптап Алматы облысы әкімінің орынбасары Жақсылық Омар, Еңбекшіқазақ ауданының әкімі Бинәлі Ысқақ бастаған ел ағалары, ауыл тұрғындары сол алаңға жиналды Отан қорғаушылар күні қарсаңында.
Еліміздің бас газеті «Егемен Қазақстанда» жарияланған
Елбасы Н.Ә.Назарбаевтың. «Болашаққа бағдар: рухани жаңғыру» мақаласын кейбір авторлар қанға сіңген әдетпен Жолдау деп атап жүрсе де бұл жолы Президенттің бағдарламалық кесек
туындысын мақала түрінде берілуінің өзі оқырман қауымның, жалпы ел тұрғындарының ерекше назарын аударған тактикалық шебер тәсіл болғанын атау керек. Ресми құжаттардан гөрі жүректі жарып шыққан ой толғаулар, оқырман, тыңдарман, көрерменмен тең терезелі жағдайда пікірлесу, талқыға салу үшін ұсыныс жасау өзара сенімділікке бастайтыны да шындық. Елбасының
рухани жаңғыру тақырыбына жазған мақаласын өз басым
осылай қабылдадым да өз пайымдауларыммен оқырманмен бөлісуді жөн көрдім.
Сыбайлас жемқорлық – қоғам дерті. Осы дертпен күресу мақсатында елімізде көптеген шаралар ұйымдастырылуда. Игі іс жақында ауданымызда жалғасын тапты. «Парасыз болашаққа бірге» атты сыбайлас жемқорлыққа қарсы мобильді топ Есік өңірінде болып, жиындар өткізіп, тұрғындармен кездесті.
Қазақта «Ауру қалса да, әдет қалмайды» – деп өмірдің өзінен алған сөз бар. Ол қоғамның қасіретіне айналған, асқынған дерт – сыбайлас жемқорлық. Бұл қоғамдық дерт, әсіресе, нарықтық заманға бет бұрғалы қатты асқынып кетті. Нарықтық қатынаста қалайда, қандай жолмен болсада ақша табу деген түсінік сананы жаулап алғаны ақиқат. Дана халық мұндайда «Аштан өлсең де, тек азғындап абыройыңды төкпе!» – деп бекер айтпаса керек-ті. Өйткені адам әлденеге талпынып, мақсатына ұмтылып өмір кешеді. Ұлы ғұлама Әл-Фараби айтқандай, адамның басына қонған бақыттың тұрақты болуы жақсы мінез-құлқына байланысты. Сондықтан да, кеудеңде жан барда, адам атына дақ түсірмей өмір сүргеннің абыройы артады. Ал, мемлекеттік құзырын асыра пайдалану – қалыпты өмірден ауытқу, яғни шіріп, бұзылу. Ондайлардың – өзі алысқа бармайды.
Задачи Третьей модернизации в аграрном секторе: эффективность использования и расширение орошаемых сельхозугодий, вложение инвестиций в научные исследования, диверсификация производства сельхозпродукции, успешно решает ТОО «Интеграция – Тургень» в Тургенском округе. Это многопрофильное хозяйство, основанное Маншук Жексенбековой, занимается выращиванием садов, семеноводством, кукурузоводством. Весной 2017 года Маншук Абыхановна в партнерстве с итальянской компанией Besana International начала реализацию сенсационного проекта Topnut по выращиванию промышленных ореховых садов и питомников.
Жастар тәрбиесі ешқашан күн тәртбінен түскен емес. Жастар – еліміздің болашағын жарқын етер тұлға болғандықтан, оларды сапалы біліммен ғана сусындату жеткіліксіз. Жастардың бойына отансүйгіштік қасиетті сіңіріп, тәрбиесін дұрыс жолға қою да басты міндет. Бұл турасында Елбасы Н.Ә.Назарбаев: «Бүгінде бүкіл қазақстандықтарды ортақ құндылықтар – жасампаз еңбек, татулық пен келісім, халық бірлігі, Отан үшін мақтаныш, оның ұлы тағдырына қатыстылық біріктіреді. Біздің жас ұрпақ мұны өмір бойы есте сақтауы тиіс» – деген болатын. Осы орайда жақында Есік гуманитарлық-экономикалық колледжінде Қазақстан Республикасы Парламент Мәжілісінің депутаты, «Нұр Отан» партиясының фракция мүшесі, Ауған соғысы ардагерлері Ассоциациясының төрағасы, ақын-жазушы Бақытбек Смағұлмен кездесу өтті. Ауған соғысының ардагері Әсет Алжанбайдың ұйымдастыруымен, колледж директоры Гүлнар Жошыбаеваның қолдауымен өткізілген шараға алғашқы әскери дайындық пәнінің ұстаздары, колледж студенттері мен жоғарғы сынып оқушылары қатысты.