Мерекелік іс-шарада алғашқы сөзді алған аудан әкімі Бинәлі Әбдіқапасұлы өзінің өмірі мен қызметін адам денсаулығына арнаған мейірімді жандарды төл мерекелерімен шын жүректен құттықтап:

– Бұл мерекені адам тәнінің қиналысын жүрегімен сезіне білетін денсаулық сақтау саласы-ның барлық қызметкерлерінің, медбикелер мен дәрігерлердің ерен еңбегі бүкіл жұртшылықпен бағаланатын күні деп есептеуге болады. Сөзсіз Сіздердің толассыз еңбектеріңіздің өлшемінде өмір қуанышымен қайта қауышқан талай адамдардың тағдыры тұр. Жанашырлықтарыңыз, мейірім мен кәсіби адалдықтарыңыз Сіздерді «адам жанының арашасы» деп қоғамның ең биік сатысына шығарды. Дана халқымыз «Бірінші байлық – денсаулық» деп адам денсаулығын дү-ниедегі байлықтардың бәрінен жоғары қойса, Ата заңымызда «Мемлекеттің ең басты қазынасы – халық және оның денсаулығы» деп айқын көрсетілген. Сондық-тан да сіздер халықтың өзде-ріңізге деген сенімін арттырып, қажетті кәсіби көмек беретіндеріңізге күмәнданбай-тындай, халыққа мінсіз қызмет етулеріңіз қажет.

     Елбасымыздың тікелей бас-тама көтеруімен ҚР Денсаулық сақтау саласын дамытуға арнал-ған «Денсаулық» мемлекеттік бағдарламасын жүзеге асыруда, қолға алған стратегиялық бағыттардың дұрыс екендігіне көз жеткіздік. Соның арқасында денсаулық сақтау саласына қомақты қаржы бөлініп, медициналық нысандар салу, күрделі жөндеу жұмыстарын жүргізу жаңа қарқын алды. Ауданымызда көптеген елді мекендерде жұртқа аса қажетті медициналық мекемелер салына бастады. Биылғы жылы Алмалы ауылында күніне 50 адам қабылдай алатын дәрігерлік амбулатория, Алға ауылында күніне 20 адам қабылдай алатын фельдшерлік-акушерлік пунктердің құрылысы жүргізілуде. Ал 2020 жылға дейін Қорам, Жаңашар, Көктөбе, Ащысай, Достық, Ақбастау, Қызылшарық және Балтабай ауылдарында күніне 50 адам қабылдайтын жаңа дәрігерлік амбулаториялардың құрылысы жайлы облыстық денсаулық сақтау басқармасына тапсырыс берілді – деген Бинәлі Әбдіқапасұлы ауданымыздың денсаулық сақтау саласы өрке-ниетті өзгерістерге қол жеткізіп жатқанын баяндады. Осы жыл-дың негізгі көрсеткіштері бойын-ша, ауданымыздың орталық ауруханасы облыста «Ең үздік аурухана» номинациясының иегері атанғанын мәлімдеп,  ақжолтай жаңалықтармен бөлісті.

    Шара барысында аудан басшысы медицина саласында сан жылдар бойы аянбай тер төгіп, халықтың алғысына бөленген ауданымыздағы «Еңбек ардагер-лерін»  марапаттап, өз қолымен арнаулы сыйлықтарды табыс-тады. Сонымен қатар, номинациялар бойынша да дипломдар табысталды. Атап өтсек: «Үздік емдеу мекемесі» болып танылған Қаракемер ауылының ДА, «Үздік фельдшерлік пункт» Көлді ауылының фельдшерлік пункті, «Үздік бөлім» аудандық аурухананың жансақтау бөлімі болып танылды. Сондай-ақ, «Үздік дәрігер» Есік қаласы Перзентханасының, балалар жансақтау бөлімінің меңгерушісі Айнаш Исмаилова, «Үздік акушерка» Ақши ауылының ДА-нан Гүлнәр Мукушева, «Үздік фельдшер» Шелек ауылының ауруханасы, жедел жәрдем бөлімінен Ғұламжан Исраилов және «Үздік мейірбике» болып Қазақстан ауылының ДА-нан Жамиля Қалдыбаева есімді дәрігерлер өз ісінің үздіктері атанды.

    Көп жылғы халықтың денсау-лығын қорғауда орасан зор еңбегі мен осы саладағы реформаларды жүзеге асырудағы белсенділігі үшін басқа да бірқатар азаматтар аудан әкімінің мақтау грамотасына ие болды.

   Осылайша еңбектері баға-ланған медицина мамандары ел алдында зор құрметке бөленді. Әріптестерін құттықтау үшін аудандық емханада көп жылдар бойы бас дәрігер болған, Облыстық денсаулық сақтау басқармасында басшылық етіп,  кезінде ҚР мәжіліс депутаты болып сайланған Өмірғали Кенжебекұлына сөз ұсыныл-ды. Ел ағасы өз кезегінде – 16 ауданның ішінде 300 мың тұрғыны бар біздің ауданымыз-дың ауруханасы үздік болып танылғаны менің төбемді көкке жеткізуде. Мемлекетімізде медицина саласының дамығанының белгісі, осыдан 15-20 жыл бұрын шетелде ғана жасалатын күрделі оталар, қазір еліміздің кез-келген облысында жасалып жүр. Денсаулық саласының осындай деңгейге жетуінде Елбасымыздың орасан зор еңбегі жатқанын ұғынуымыз керек. Бүгінгі бір-қатар азаматтарға берілген марапаттарға, ауданымыздағы 3 мыңнан астам дәрігердің бәрі лайықты деп білемін. Себебі осы жетістіктердің барлығында, әрбір ақ халатты абзал жанның қосқан үлесі бар – деп ақжарма ойын ақтарып, әріптестеріне тілегін жеткізді.

    Мерекелі кеш аудан өнер-паздарының концерттік бағ-дарламасымен жалғасты. «Айжан» балабақшасының бүлдіршіндері дәрігерлерге ыстық ықыластарын жеткізіп, ән шырқап бергені көрермендерге шынайы күлкі сыйлады. Бетке ұстар әншілеріміз Қабыл мен Ерке, Арайлым Мамырбекова, Салық Әсел, Нұртас Қайрат, Құралай Сәбетова, Ринат Беков және «Улыбка», «Бахар» би топтары өнерлерін көрсетіп, сахнаны сәнімен мерекенің мәнін арттырды.         

Р.НАРХАНОВ.

Алтын белгі – өрелі ой, терең білім,

Болашақтың көрсетер кемелдігін.

Жарқыраған жасындай жас түлектер,

Жалынды отты көреміз сенен бүгін!

Кедергілер кездессе сүрінбесін,

Қиындықтар тап болса түңілмесін.

Жас түлектер, ақта енді ел үмітін,

Алға қарай тарта бер білім көшін.

    Тұмса табиғаты талайды тамсандырған көне Сақтың атамекені Есіктегі Жамбыл атындағы жастар саябағы тағы бір тарихи оқиғаның куәсі болды: келешегінен зор үміт күтер Алтын түлектерін қарсы алды. Биыл ауданымызда жүзден жүйрік көрініп, білім кеңістігінде қалықтаған 74 Алтын белгі иегері шықты.

      Өткен аптамыз айтулы оқиғаларға толы болды. Соның бірі – Есік қаласындағы Жамбыл атындағы жастар саябағындағы  «Алтын белгі – 2017» шарасы. Мектеп қабырғасындағы 11 жылын босқа өткізбей, білімнің биігін бағындыру үшін барын салып оқыған ауданымыздың мақтаныштарын арнайы аудан әкімі Бинәлі Әбдіқапасұлы құттықтады.

      «Білекті бірді жығады, білімді мыңды жығады» деген бабаларымыздың тауып айтқан тәмсіліне таңқаласың. Рас, бұл заманда білімсіз кімді жығады? Елбасымыздың «Болашаққа бағдар: Рухани жаңғыру» мақаласында, ха-лыққа арнаған әрбір Жолдауында, білімді басты назарға қойып отырады. Мемлекетіміздің жастарға сыйлаған шексіз мүмкіндігін толыққанды пайдалана білу екінің бірінің қолынан келмей жатыр. Өйткені, «білім – инемен құдық қазғандай». Сондықтан алтын белгі иегерлеріне арналған ауқымды шараға арнайы қатысып, алғашқы сөзді алған аудан басшысы Бинәлі Әбдіқапасұлы барша ата-аналарды, ұстаздарды және түлектерді еңбектерінің жемісімен құттықтай келе:

– «Армансыз адам – қанатсыз құспен тең» демекші, ұстаздар мен ата-аналардың арманы – ұл-қыздарымыздың азамат атанып, туған елдің абыройын көтергенін көруі. Жас түлектердің арманы – бе-рекелі де баянды бақ, мазмұнды да мағыналы болашақ. Оның өзі – тұзы жеңілге емес, тұғыры биік, талабы кеңге, білімі терең, еңбегі көпке ғана бұйыратын дүние. Ол үшін ілім мен білім жолындағы тынымсыз талпыныс пен үздіксіз ізденіс қажет. Бұл біздің бүгінгідей жаңалығы желмен жарысқан, ой-өрісі ғарышпен таласқан заңғар заманның басты әрі бірегей талабы.

    Жүзден жүйрік, мыңнан тұлпар демекші, жыл сайын «Алтын белгі»-мен үздік аттестатқа иегер түлектеріміздің саны артуда. Өткен оқу жылында «Алтын белгіні» 16 түлек, үздік аттестатты – 50 түлек иеленген еді. Ал, ағымдағы жылы орта мектепті бітіруші – 1645 түлектің қорытынды аттестаттау нәтижесінде аудан бойынша 74 түлек «Алтын белгі», 55 түлек үздік аттестат иегері атанды. Биылғы мектеп бітірген уақыт Қазақстандағы «Экспо-2017» халықаралық көрмесінің ашылуымен тұспа-тұс келіп тұр. Осыдан жиырма бес жыл бұрын Қазақстанды әлемнің көптеген елі білмеген. Ал өткен жиырма бес жыл ішінде Қазақстанды бүкіл дүние жүзі елдері танып қана қоймай, абыройы асқақтаған ел ретінде мойындап отыр. Еліміздің жаңа тарихында осындай жетістіктерге жетуімізге жастарымыздың да қосқан үлесі орасан зор. бұлардың басында Елбасымыз Нұрсұлтан Назарбаевтың тұрғаны баршаға аян. Елбасының сындарлы саясатының арқасында Қазақстан әлемдегі ірі-ірі қауымдастықтардың төрінде отырып, төрелігін беретіндей дәрежеге жетті.

     Қымбатты жас түлектер, тәуел-сіздігіміздің тұрақты, ертеңіміздің шуақты болуы сіздердей жастарға байланысты. Бүгін өмірдің алғашқы межесінен өттіңіздер, ендігі тағдыр өз қолдарыңызда. Өз басым бұл мақсат-міндеттің де үдесінен шығып, табыс биігіне жететіндеріңізге кәміл сенімдімін. Үлкен өмір жолына басқан қадамдарың сәтті болсын, табыс биігінен көріне беріңіздер – деп түлектерге ақ жол тілеген аудан басшысы көпшіліктің қошеметіне бөленді.

     Әсерлі де әдемі шараның барысында Бинәлі Әбдіқапасұлы сахна төрінде 74 «Алтын белгі» иегерлеріне, 12 халықаралық және республикалық олимпиада жеңімпаздарына дипломдар мен сыйлықтар табыстады.

    Баланың жетістік-ке жетуінде ата-ананың өлшеусіз үлесі бары анық. Сондықтан ақылына көркі сай, парасатты ұл-қыздарды тәрбиелеп, осы күнге жеткізген ата-аналардың атынан Ғазиза Қырбасова аудан әкіміне, ұлағаты ұстаздарға ақжарма алғысын білдіріп, түлектерге сәттілік тіледі. «Алтын белгі» иегерлері Қаратұрық ауылы, Еңбек Ері А.Бертаева атындағы орта мектеп түлегі Еркеназ Тұрғынбай мен Р.Тоқатаев атындағы орта мектеп түлегі Мағжан Тұрсынбайға сөз ұсынылды. Жастарымыз өз кезегінде түлектердің атынан аудан басшылығына, білім берген ұстаздары мен ардақты ата-аналарына алғыстарын жеткізді. Өздеріне артылған үмітке  үлкен жауапкершілікпен қарап, ауданымыздың беделін асқақтатуға, ел сенімін ақтауға уәде берді.

   Мәнді де маңызды мереке аудан өнерпаздарының концерттік бағдарламасына ұласты. «Нұр-Ай» тобы, Қабыл мен Ерке, Ернар Мұқан, Дәурен Сәрсенбаев, Ұлан Қали есімді әншілеріміз жүрек тебірентер әндерін шырқады. Іс-шараның соңында түлектер аудан әкімімен естелік суретке түсті.

     Осылайша білімге құлаш сермеп, армандарына күміс қанат байлаған түлектердің алар асуы, бағындырар белесі көп болсын дейміз!

Ринат НАРХАНОВ.

Округ әкімінің орынбасары Мәди Бектасов алаңға жиналған  жұртты ел болашағы балалар күнімен құттықтап, қамқоршысынан айырылған, мүмкіндігі шектеулі, жағдайлары нашар отбасылар-дың балаларына балмұздақ, түрлі тәттілер таратты. Өнерлі бүлдіршіндердің әр ұлт тілінде ән айтып, биленген билері тамашаланды.

Баршамызды бал тілімен баурайтын,

Бала деген бір бақыт қой  жайнайтын.

Ата-ананың арманы мен тілегін,

Бала емес пе бал-бұлақ боп жалғайтын, – демекші, «Бәйтерек» балабақшасы педагогтары мен бүлдіршіндерінің осы мерекеге орай бір жылдық шығармашылық концерті болды.

Адам өміріндегі ең үлкен бақыт – ұрпақ тәрбиелеу десек, сол тәрбие мен білімнің қандай деңгейде екені осы  шарада көрініс тапты. Бүлдіршіндер балабақшада алған тәлімі мен үйренген өнерін тамашалатты. Бал тілімен баршаны баурап, олар «Әдемі-ай», «Егемен ел – Қазақстан», «Ай дидарлы анашым», «Қошақаным», «Катюша», «Привет лето» тағы басқа әндерді орындаса, әскери, түрлі маманның, ұлттық киімдер киіп, «Домбыра», «Танец с колесами», «Көктем шуағы», «Теңізшілер», «Аспазшылар» билерін мың бұрала билеп, Мұқағали, Абайдың өлеңдерін жатқа оқыды. Педагогтар болса Құрманғазының «Балбырауын» күйін күмбірлетіп, хормен «Өз елім» тағы басқа патриоттық әндерді асқақтатты.

Концерт соңында бір жылда аудан облыс, республика бойынша қол жеткізген жетістіктері аталып өтті. Тәрбиеші – педагогтардан Салтанат Қондыбаева «Біз бейбітшілік үшін», Айгерім Анисова «Қыс ғажайыптар мерзімі», Парида Байғожаева «Наурыз – көктем», Мадина Отарбаева «Тәуелсіздік тұғыры биік»,  Күлзия Малжанбаева  М.Мақатаевтың туған күніне орай «Жырлайды жүрек» республикалық байқауларда бүлдіршіндері жеңімпаз, жүлдегер атанғаны үшін диплом, алғыс хаттармен марапатталса, облыстық аудандық байқау, сайыстары өзі өз алдына бір-бір төбе. Қысқасы, Шығармашылық концерт жоғары деңгейде өтті.

Туа аурушаң болып арнайы балалар үйінде тәрбиеленіп жатқан  мекемеде де бұл мереке ерекше аталып өтілді. «Тұсаукесер» рәсімі жасалып, ән айтылып, би биленді, Округ әкімдігі бүлдіршіндерге арнап, түрлі ойыншықтар сыйлады.  Сөйтіп, бар жақсылық бұл күні балаларға жасалды.  Өйткені:

Тәуелсіздік  ел арманы аңсаған,

Ер бабалар терін төккен, шаршаған.

Бүгін міне, бар әлемге танылған,

Қазақ елі үміт артам мен саған, – деп алдыңғы аталар мен ағалар жолын қуып, өсіп келе жатқан бүлдіршіндер –  еліміздің болашағы.

Анарбек БЕРДІБАЕВ.

Бірлігі бекем елдің тірлігі де түзу. Осы ретте Еңбек орта мектебінде достық фестивалі өтті. Оған Балтабай округіне қарасты қоғамдық кеңес, ардагерлер, әйелдер кеңесі мүшелері, аудандық этно-мәдени бірлестік өкілдері, ауыл жас-тары қатысты. Ұйытқы болған – «Елім-ай» қоғамдық қоры, қолдау білдірген аудандық ішкі саясат бөлімі.

Фестивальде алғаш боп сөз тізгінін алған Астана қаласында өткен Ассамблеяның 25 сессияның делегаты, қор төрағасы Жаңаберген Мұхамедов:

– Қазақ «Бірлік бар жерде – тірлік бар» дейді. Расында, қайсарлығы қара тасты үгіткен, қаһарынан қас дұшпаны үріккен, қайырымдылығы тас жүректі жібіткен қазақ елі өзгенің ала жібін аттап өтпеген, жақыным деп келгенді өзектен теппеген ел. Бұл біздің арғы тегімізден қанымызға сіңген қасиет. Соның айғағы – бүгінгі қазақ даласында 130-дан астам ұлт пен ұлыстың өкілдері тату-тәтті ғұмыр кешуінде. «Ел болып бірігуден асқан бақыт жоқ» деген екен Білге қаған. Алыс-ты арбамай, айналамызға көз салсақ, 300 мыңға жуық тұрғыны бар ауданымыздың өзінде 54 ұлт пен ұлыстың өкілдері бір шаңырақтың астында берекелі күн кешуде. Мемлекет басшысы Астана қаласында Бейбітшілік және Келісім сарайында өткен Ассамблеяның 25-сессиясында осындай басты байлығымызды сақтап қалу тұрғысында кеңінен ойын білдірді. Санамыздың ісімізден озық тұруын ашық айтты. Бұл дегеніміз, Жаңғырудың негізі – тұрақтылық пен келісімде екенінің айғағы. Бүгінгі іс-шарамыздың мән-маңызы да осында: ынтымақ – ырысымыз, тұрақтылық – табан тірер тұғырымыз екенін жас буынның санасына сіңдіру, - аталмыш іс-шараның мән-маңызын айшықтап өтті. Кейіннен округ аумағында ұлтаралық татулықты, конфессияаралық келісімді нығайтуда танбай еңбек етіп келе жатқан бірқатар азаматтарды Алғыс хаттармен марапаттады.

Сөз алған аудандық ішкі саясат бөлімінің бас маманы Қайсар Асқарұлы аудан аумағында бірлікті насихаттауда атқарылып жатқан істер жөнінде кеңінен мәлімет берді. Фестиваль концерттік шарамен жалғасын тапты. Әр этно-мәдени бірлестік өкілдері ұлттық билерін билеп, аудан өнерпаздары әуезді әндерін орындап, көпшілікті бір серпілтті.

Қайнар ЖҰМАҒОЖА.